قطة في عالم الذئاب الفصل 5،6،7

انا اتاكدت انها غير مقصودة ومافيش حاجة فى العربية انت عارفة ليث بيسوق بسرعة وتلاقى فقد السيطرة على العربية
فادى بشك .متاكد
أوس. أيوة خليت حد يكشف على العربية وهى دلوقتى فى جراج الفيلا مش عايز شوشرة
فادى .تمام
أوس. روح انت يا فادى استريح وتعالى بكرة
فادى. لا هبات معاك والصبح ابقى اغير هدومى واجيلك
أوس .لا لازم تتابع الشغل والشركة ماينفعش انا وانت نكون هنا لازم حد يتابع مع معز وبعدين شركتك كمان ماينفعش نفضل هنا انت تابع الشغل وانا هنا
فادى. زى ماتحب يا صاحبى واى حاجة مش محتاج اقولك انى موجود واطمن على الشغل
أوس. اكيد انت زى ليث عندى مش بس صاحبى ربنا يخليك ليا
فادى بابتسامة. ويخليك ليا يا وحش ....
فى منزل فيدرة
سمعت آذان الفجر وظلت تدعى إلى ابنتها.
سمية .يارب تحميها وتباركلى فيها وترجع بالسلامة يارب قلبى مش مطمن اول مرة تبعد عنى يارب احفظها من كل سوء يارب
فدوة بنعاس .أدعيلى معاكى ياماما هههه
سمية .ربنا يوفقك وينجحك يالمضة ويسعدك فى حياتك يارب
فدوة .والعريس اتجوز واد مز كدة
سمية
ياختى ذاكرى عشان تنفعى بلا موز بلا برقوق
فدوة .مز ياماما مش موز يعنى قمر كدة
سمية .طب قومى صلى الفجر وذاكرى عشان المعلومة تثبت فى دماغك مش تقولى عريس انتى لسة موالك طويل ربنا يرزق اختك الاول بالزوج الصالح يارب إللى يفرح قلبها ويهدى سرها ويسعدها يارب ويعوضها خير عن كل إللى شافتة فى حياتها يارب ...
فى الورشة
حمدى .رزق هى فيدرة لسة ماجتش
رزق. لسة يا أسطى تحب اروح اشوفها
حمدى .لا خد بالك من الورشة وانا هروح بنفسى يمكن تعبانة اصلها عمرها ماعملتها واتاخرت كدة
رزق. حاضر يا أسطى
ذهب عمى حمدى إلى بيت فيدرة ليطمئن عليها ودق باب الشقة
فتحت لة فدوة
فدوة .عمى حمدى اتفضل
حمدى .ازيك يافدوة يابنتى عاملة اية
فدوة .الحمدلله بخير
اعملك شاى
حمدى .تسلمى يابنتى امال فين فيدرة اوعى تكون بعافية
فدوة باستغراب .فيدرة هى مش سافرت شغل فى اسكندرية
حمدى .هى قالت كدة اة يمكن راحت بدالى طيب سلمى على الحجة ولو عايزين حاجة انا موجود ماشى
فدوة .اكيد ياعم حمدى ربنا يخليك
حمدى .طيب هرجع الورشة انا سايب رزق هناك
فدوة ..طب استنى اشرب شاى حتى
حمدى .تسلمى يابنتى
رجع حمدى الورشة وظل شارد ويحدث نفسة معقول سافرت ومن غير ماتقولى بس فيدرة دايما ترفض تسافر عشان مش تسيب امها ولا اختها لوحدهم اية إللى حصل يمكن محتاجة فلوس وانكسفت تطلب هى عندها عزة نفس ومش بتحب تطلب حاجة من حد وعلشان كدة سافرت تجبلها قرشين يسعدوها لازم انحرجت تقولى
رزق فى اية يااسطى بتكلم نفسك وفين الاسطى فيدرة مش جايا
حمدى .لا فيدرة فى شغل برة كام يوم ربنا يرزقها البنت دى ايدها تتلف فى حرير وتستاهل كل خير ربنا معاها..
فى الفيلا المهجورة
كانت تجلس بالغرفة تحاول ان تبحث عن مخرج ولكن ليس من منفذ .....
فهو يتعمد تركها حبيسة بالغرفة بلا طعام وشراب ويعلم انها تعتصر خوفا من وحدتها ويتركها لكى تشعر بالندم الى ان ياكلها الخۏف لكى يروضها ..
لا يعلم انها قويةولن تستسلم ولن تنزل لأحد أى كان.
هى فقط قلقة على والدتها واختها
.........
يتبع