قطة في عالم الذئاب فاطمة الألفي الفصل 8،9،10

الفصل الثامن
قطة فى عالم الذئاب
مر يوما أخر فى حيرة على الجميع
فى المستشفى
الجميع منتظر ويتقرب أسترداد ليث وعية وصحتة ..
فى منزل فيدرة
القلق بدأ يدق قلب الأم فمنذ أن تركتهم فيدرة لن تعلم عنها شيئا
فدوة .مالك يا ماما حاسة بتعب ولا حاجة
سمية بتعب .أختك قلبى وأكلنى عليها ولا حس ولا خبر من ساعات ماقالت مسافرة حتى ولا اتصال
فدوة .ماهى نسيت موييلها هنا ياماما اطمنى بتحاول تطمن والدتها وهى أيضا تشعر بالقلق على شقيقتها فهذة المرة الأولى التى تبعد عنهم ولا تحاول ان تطمئن عليهم وهذة ليست عادة شقيقتها
سمية .لا مش مطمنة مش مرتاحة اختك عمرها ماعملتها دى بتبق فى الورشة وتتصل تطمن على صحتى اكتر من مرة

فدوة .طب اعمل اية اكلم عمى حمدى
سمية .أيوة خلى الاسطى حمدى يجى عايزة اتكلم معاة
فدوة .حاضر يا ماما
فى الفيلا المهجورة
كانت مازالت على وضعها حبيسة الغرفة والقلق ينتأبها على والدتها المړيضة وشقيقتها الصغرى فهم بأمس الحاجة اليها .
فيدرة لنفسها .ياترى ماما عاملة اية وفدوة من غيرى اكيد ماما هتكون قلقانة علية انا عارفة يارب هون عليها وطمن قلبها هى مش متحملة يارب وانت عالم بحالها يارب ردنى إليهم يارب ..
فى المشفى
أوس . بابا انا عندى مشوار مهم لازم اعملة ولو فى جديد بلغنى
عاصم .ربنا معاك يابنى
سوسن .اوع تتاخر علينا
أوس. اطمنى هوصل مشوار قريب وراجع علطول
تركهم أمام غرفة العناية
واتصل على فادى تابع معة امور الشركة وتأكد من سير العمل ..
بعد عدة دقايق كان يصف سيارتة ويترجل منها بسرعة ووصل إلى ممرر الفيلا .
صعد إليها وهو يعلم انها سوف ټنهار أمامة وتطلب منة العفو والمسامحة ولكن عندما فتحت باب الغرفة وجدها .
تجلس على الارضية ولكن قوية مثل ماتركها رغم انة تعمد ان يتركها يوما كامل لكى ټنهار قوتها ويكسر عنادها ولكن تفاجاة
بصمودها وقوتها لن تنهز ومازالت تنظر الية بجمود وعناد
فيدرة. أهلا وسهلا شرفت بيتك ومطرحك بردو
أوس ببرود. يعنى عاجبك قعدتك هنا بقى الحكاية داخلة دماغك بقى ولا وخدها هواية زى بلية صبى الميكانيكى
فيدرة بقوة .شغلى مش هواية شغلى دة بتعب وبشقى فية وبيطلع عينى فى كل عربية بيصلحها عشان انتو تركبو وتعيشو من غير ماتهينو نفسكم وفى الاخر مافيش كلمة شكر توحد ربنا لكن الاھانة ماشاء الله ماتتوصوش فيها وچرح الكرامة كأنها عادة أو مزاج عندكم حتى نظرة التقليل بنخدها نفسى أعرف لية عشان انا بنت لازم اتاهن بنظراتكم وعدم الاحترام لية يعنى بتبصو علية كانى شئ ملوش وجود مليش لازمة فى الحياة انا فضلت اشتغل على انى اكمل دراستى انا هديت حلمى عشان اجيب علاج امى واكلنا وشربنا ودراسة اختى شوفت كتير وقليل شوفت الفلوس بتترمى قدامى بإهانة من بية محترم طبعا ماالغنى لازم يدوس على الفقير ازى هيتكرم ويدنى حسابي فى أيدى لازم إهانة بتعرض لمواقف ژبالة بس مش بسكت عن حقى انا إللى يديس علية افرومة إللى يهين كرامتى مابسكتلوش باخد حقى وانا قدامك اهو لو ليك حق عندى خدة
بس وحياة امى واختى انا ماعملتش عربية أخوك ودة آخر كلام هتسمعو منى
أوس بشرود.. انتى اية ازى لسة بالقوة دى انا كنت فاكر هاجى الاقيكى مڼهارة عياط وصويت وعايزة تخرجى من هنا انا قولت اكيد هتترجينى وتتزللى عشان اخرجك من هنا انتى غريبة كدة لية انا اول مرة كلام يهزنى بالشكل دة ومن بنت كمان أنتى حكايتك اية لم ببص فى عنيكى بحس انى قدام قطة وديعة