قطه في عالم الذئاب الكاتبة فاطمة الألفي الفصل 24،25

وانا هرجع اكل الكتب اكل
فادى .هنطلع كلنا بعد الغدا نعدى على ديما ونسافر وماحدش هيحضر حاجة هنشترى كل حاجة محتاجينها من هناك اوكية .
فيدرة. اطلعو انتو بلاش انا عشان انزل بقى الشغل
فادى پصدمة .شغل أية ياحببتى
فيدرة. الورشة كتر خيرة عمى حمدى سبنى كتير كفايا كدة بقى
فادى. لا طبعا مافيش شغل فى الورشة تانى مش انتى عايزة تفتحى مشروع انا هظبطة
و
فيدرة .انا إللى هفتحة من فلوس بابا إللى سبهالى بس لسة لم اكمل ٢١ سنة
فادى. طب بصى عشان خاطرى انا طالع الرحلة دى عشانكم بعد الرحلة نتكلم فى كل حاجة تمام بس مش هنطلع من غيرك انا هغير واستناكم على السفرة
خرج فادى من غرفتهم توجة إلى غرفتة وابدل ملابسة ونزل الى أسفل...
جلس مع والدتة وأخبرها بسفرهم
نجوى پصدمة .تسافر مع أخواتك لية بقى ان شاء الله
فادى. ماما ديما نفسها تطلع وعايزة البنات معاها
نجوى .بقى تطلع مع مراتك وعايز أخواتك معاك عشان يبوظولك الفسحة مع مراتك
فادى. ماما ديما بتحب البنات وهم كمان بيحبوها وكمان اخواتى محتاجين يغيرو جو
نجوى .هم دول يعرفو جو ولا مش جو دول عاشو حياتهم فى حوارى
فادى بزعل .ماما من فضلك بلاش الطريقة دى فى الكلام
نزلت فيدرة وفدوة وسمعو الحوار
فادى. جاهزين يلى بينا هنتغدا فى الطريق سلام يا ماما
نجوى پغضب .ماشى يا فادى خلى أخواتك تنفعك.....
بعد عدة ساعات
فى الساحل
جلست فيدرة على الرمال امام البحر
وصعدت الفتايات للغرف ونزل فادى ليتحدث مع شقيقتة على البحر
كانت تلعب بالرمال وتخرج الصدف والقواقع من الرمال جلس بجانبها
فادى بابتسامة. الجميل قاعد لوحدة لية ممكن اتطفل علية واقعد معاة
فيدرة بابتسامة .طبعا ممكن
فادى. لية أول ماجينا طلبتى تيجى تقعدى على البحر الاول
فيدرة. بحب اتفرج على الموج والشمس وقت الغروب وبحب اسمغ صوت البحر
فادى .تقصدى صوت الموج
فيدرة. امممم بحس احساس غريب تعرف انا ماشوفتش البحر من عشر سنين بس بحبة ومش بخاف منة
فادى بحزن. ممكن تقربى منى وتعتبرينى أخ وصاحب واب مش عايزك تبعدى عنى حتى بتفكيرك نفسى نقرب من بعض وعلاقتنا تبق اقوى
فيدرة بابتسامة .بتغار علينا
فادى باستغراب .هو سؤال غريب بس اكيد بغار عليكم من اى حد يفكر يدايقكم او يزعلكم انتو حتة منى بجد وېخاف عليكم اوى
فيدرة بدموع .ياريتك كنت موجود معانا من زمان كانت حياتى احسن من كدة
فادى يضمها لصدرة .انا معاكى دلوقتى وقوليلى على إللى تعبك
فيدرة. مافيش مجرد كلام عادى
فادى بقلق .طيب بلاش تقولى لاخوكى قولىى لصحبك
فيدرة. وترضى اختك تصاحب راجل هههه
فادى .ماهو لو انا الراجل اة ارضى اختى تصاحبنى ههههه بصراحة فى موضوع مهم وعايزك تفكرى فية كويس
فيدرة. موضوع أية
فادى. الحقيقة هو موضوع يفرح على الأقل بالنسبالى لكن مش عارفة ردك أية
فيدرة. فى أية قلقتنى
فادى. أوس طالب ايدك منى وعايز يتحوزك ..
شردت كانت تظن انه غير جاد ولم يفعل ذلك حقا فهل هو يريدها أن تصبح زوجتة حقا ام ماذا ..
فادى. ها ياحببتى خدى وقتك وفكرى كويس اوى بلاش تتسرعى فكرى فى الموضوع بحكمة بلاش تهور وترفضى وخلاص
فيدرة. انت رائيك أية
فادى. أوس صاحبى فعلا بس حياة اختى وسعادتها اغلى عندى من اى صاحب وانتى اهم حد فى حياتى سيبك من رائى انا لان لو على رائى أنا شايف ان أوس شاب كويس ونجاح فى شغلة وعلاقتة باهلة كويسة جدا و شايف كمان أن معجب بيكى هو صارحنى أن معجب بيكى وانك كمان بدائتى تغيرية انا بطلب منك تاخدى الاسبوع دة كلة تفكير فى حياتك