قلوب حائرة فاطمة الألفي الفصل 20 إلى23
الرد فصډمته عندما ذكرته بحبه لندى .
دلفت لشقتها وجدت جدتها بانتظارها
فين سيف ماجاش ليه يتغدا معانا
حاولت اخفاء دموعها مالاقتوش يا تيته
أحضرت الطعام وجلسو ليتناوله وهى شارده ولم تتذوق الطعام ظلت تعبث بصحنها
ربتت جدتها على كف يدها مابتاكليش ليه يا أميره
أميره بتوتر لا أنا بأكل اهو
هشام بابتسامه تسلم ايدك يا ميرو
أنا هعمل الشاى
توجهت إلى المطبخ لم تستطيع كتم دموعها فانسابت بصمت وهى تقف أمام الموقد لتصنع الشاي وتتهرب من تسالات جدتها .
أما بالخارج
هشام بغمزه مين سيف دة يا زوزو
زينب دة شاب طيب وابن حلال قاعد فى الاوضه اللى تحت
هز رأسه بتفهم ونهض من مقعده
الحمد لله أنا لازم امشى بقى يا زوزو عشان الحاج لوحده فى البيت
قبل يدها حاضر يا جميل اى أوامر تانيه
أحضرت أميره الشاي فى ذلك الوقت انت رايح فين استني اشرب الشاي الاول
هشام لا أنا كده اتاخرت معلش يا ميرو مرة تانيه
امسكي دة الكارت بتاعتي فى كل ارقامي تكلميني فى اى وقت مفهوم
التقطته حاضر
اخرج هاتفه من بنطاله قوليلي رقم فونك عشان اسجله عندي عشان ابق اطمن عليكي وعلى زوزو
تنهدت بضيق ونظرت لجدتها فتحت لها الاخيره ذراعيها لترتمي هى بأحضان جدتها الحبيبه مسدة على ظهرها بحنان
_ مالك يا قلب ستك
أميره بدموع بحبه اوى يا تيته بس هو بيحبها
زينب بجديه طب بطلي عياط واحكيلي قالك ايه اوعي تكوني فاكره إن صدقت أن سيف مش فى اوضته ده كان ملهوف عليكي يا عبيطه وعينه بدور فى كل ركن فى الشقه عاوز يشوفك كمان شوفتي جاب البويه اللى طلبتها وقال هيدهن البيت وانتى معاه وأنتي تقولي لسه بيحبها
تنهدت الجده طب اجمدي كده بكره الأيام تثبتلك إن كان معايا حق قومي غسلي وشك واوعي ټعيطي تاني بكره سيف يجى يتمنى منك نظره بس وساعتها تعرفي أنك أنتي بس اللى فى القلب ..
غادر الفيلا واستقل سيارته متوجها إلى متجر بيع الحلوى
اهلا يوسف باشا
يوسف بابتسامه ازيك يا ابوحميد
احمد الحمد لله طلباتك يا باشا
يوسف محتاج علبه شوكولاته بس تكون غير بتاعت كل مره عاوز حاجه سبيشيل
احمد طلبك عندنا فى تشكيله جايه امبارح من سويسرا كمان فى علب التغليف حاجه جامده حضرتك هتختار التشكيله بنفسك هفرجك على كذا شكل
احضر احمد عده أشكال لعلب التغليف وجميعهم علب قيمه بحث يوسف من بينهم على زوق مختلف لفت انتباه علبه من الستان الأبيض مطبوع عليها عروس بثوبها الابيض وشريط من الستان الأحمر يغلف العلبه بأحكام اعجبه ذلك الشكل
حلو فستان الفرح ده يا احمد هاخده كمان لايق على المناسبه
احمد بابتسامه تحت امرك يا باشا هجهزهالك حالا
انتظر يوسف انتهاء احمد من عمله وأخرج الكارت المحتفظ به داخل سترته والقى نظره اخيره على تلك الكلمات الذي خطها بخط يده وارتسمت الابتسامه على ثغره ..
الفصل الحادي والعشرون
قلوب حائره
بقلم فاطمه الالفي
عندما وصلت قمة چنوني بك وجدت عقلي فيكي وعندما إجتمع حب العالم ب أسره في قلبي وصلت معكي لمرحلة العشق أعترفت أني أحبك واليوم اعترف أني أعشقك.
لو عايزة تعرفي مين عاشقك المجهول تقابليني بكره الساعه خمسه في كافيه الماسه افتكر مش بعيد قريب من بيتك هانتظرك فى الميعاد ..
قرات محتوايات الرساله باستغراب شديد فهو يريد مقابلتها لديها الفضول لمعرفته ولكن لا تستطيع أن تلتقي به .
فرح لنفسها وبعدين بقى ليه قاصد تحيرني معاك صحيح عندي فضول اعرفك مين بس جوايا حاجه بتمنعني لا مش عاوزة اعرف مش مهم مش هيفرق كتير يعني .
تنهدت وهى تنظر لتلك العلبه وتبتسم باسي عندما وجدت عروس بثوبها الابيض على علبه الشكولاته تركتها كما هي ودلفت لغرفه الصغيره لتنام جانبها وتحاول اخراج ذلك المجهول من تفكيرها ..
عاد عمار لمنزله وهو يشعر بالتعب والارهاق وجد زوجته فى انتظاره .
عمار مساء الخير يا قلبي
اقتربت منه بابتسامه عذبه مساء الفل يا حياتي اتاخرت ليه كده
جلس على الأريكة بتعب لا ماده الوضع الجديد اتعودي عليه لحد لم اشوف هعمل ايه خلاص انا طردت هشام وخدت منه الفلاشه
ريم بجديه تجلس جانبه لا انت بقى تحكيلي اللى حصل بالتفصيل
سرد عليها ما حدث اليوم لمواجهته بهشام وعندما انتهى
تحدثت ريم بغيظ أخص عليك يا عمار كنت تسبلي أنا البت مارينا كنت هخلص تار كل البنات اللى اذتهم كده تمشي بسهوله
عمار بابتسامه لا يا قلبي ماانا حبيت اريح دماغك من المشاكل وعلى ايه ترهقي احبالك الصوتيه مع واحده ماتستاهلش انا قلبي عليكي
ريم بغمزه اوع تكون شوفت الفلاشه
ضحك بقوه واخرجها
