نوفيلا حب تخطى المفاهيم للكاتبة فاطمة الألفي الفصل الأول إلى الرابع

من أجل حزنه على شقيقته ..
الفصل الثالث 
حب تخطى المفاهيم
بقلم فاطمه الالفي
فى صباح يوم جديد داخل الحرم الجامعي.
هاتفه صديقتها وطلبت منها أن تنتظرها الي أن تأتي ويذهبو سويا إلى حيث قاعه المحاضرات ..
تعودت أن تذهب مع ابن خالتها كل يوم لكي يطمئن عليها ويودعها داخل الحرم الجامعي لا يريد أن يراها احد ويتحدث عنها فهو ېخاف سمعتها ويتجنب الاختلاء بها .
وقفت زهره أمام بوابه الجامعه ونظرت إلى عصام بابتسامه
أنا هستني شروق ياعصام وانت اتفضل بقى شوف حياتك 
نظر لها بغرابه وتلتف حوله بضيق يعنى ايه اشوف حياتي وانتي هتفضلي واقفه كده للي رايح واللي جاي يتفرج عليكي
زهره بجديه لا طبعا انت مكبر الموضوع أنا بس هقف استني صاحبتي هي طلبت مني استناها دخل المدرج سوا
تنهد بضيق يبقى تدخلي جوه الجامعه وتستني مش تقفي هنا وانا امري لله هفضل معاكي لحد لم صاحبتك تيجي عشان ماحدش يضايقك
نظرت له بسعاده وهى تبتسم برقه حبيبي ابو قلب كبير يا ناس بيغار عليه وبيخاف عليه حتى من نفسه يا خراشي
نظر لها برفعه حاجب زهره 
لوت شفتيها بأسف بهز يا حبيبي 
عصام بتنهيده وبعدين بقى قولنا بلاش الكلمه دي 
زهره بضيق خلاص هسكت احسن 
عصام وهو ينظر أمامه ياريت 
عادت تنظر إليه برفعه حاجب عصام انت عايز تفضل واقف ليه عايز تشوف صاحبتي مش كده 
هز رأسه باسي انتي مجنونه يا زهره صح بتغاري عليه وانا واقف معاكي بالعقل كده انا عمري بصيت لحد 
زهره بابتسامه إذا كنت مابتبصليش نظره من إياهم هتبص لغيري ههه أنا بثق فيك جدا بس مايمنعش اشاكسك شويا بردو أنا مابحبش البرود كده بحب الجنان 
عصام بابتسامه ربنا يكملك بعقلك يا زهرتي 
تنهدت بحب ونظرت له بصدق قلبي بيفرح اوي لم بسمعك بتقول زهرتي وكمان بحس أن طير طاير فى السما 
عصام بضحكه خافته طب انزلي بقى لتقعي ههه
يا ساتر دايما كده تصحيني من احلام اليقظه 
تطلعت الى الفتاه التى تبحث بعينها بالجميع 
صړخت زهره شروق أنا هنا 
نظر لها عصام بضيق أيه الجنان ده وطي صوتك انتي مش فى بيتكم انا ماشي بدل مااتجنن عليكي 
تركها عصام تنظر لطيفه بابتسامتها المجنونه
كانت تدلف من بوابه الجامعه وتبحث عن صديقتها بين الجموع إلى أن استمعت لصړاخها وهي تنادي باسمها .
التفتت إليها ولكن وقفت مكانها تتطلع إليها بصمت فقد كانت تقف مع شاب ويبدو عليهم الاندماج بالحديث فضلت شروق الانتظار إلى أن غادر الشاب وتوجهت إلى صديقتها زهره .
أقبلت عليها بابتسامه مشرقه صباح الخير 
اقتربت منها زهره بعناق وضمتها بحب صباح الجمال على عيونك يا قمر أنا ماينفعنيش السلام اللى على الطاير ده ولا ايه 
ابتسمت شروق لتلك العفويه المرحه وهزت رأسها بالايجاب 
سحبت يدها وسارت بها إلى حيث حديقه الكليه .
تعالي لسه نص ساعه على اول محاضره نقعد نرغي شويا ونعرف بعض اكتر 
انصاغت شروق لها وجلسو سويا أعلى المنضده المستطيلة الموجوده بالحديقة .
تنهد زهره وهى تنظر له بهيام عارفه يا شروق أنا بحب 
انطفت لمعه عيناها وتلاشت ابتسامتها وحدثتها پغضب مافيش حاجه اسمها حب ده مالوش وجود فى حياتنا اكيد بيضحك عليكي اوعي تامني لحد ويستغل ضعف قلبك ويضحك عليكي بكلمتين وانتي تصدقي
زهره بجديه امسكت بيدها لتطمئنها 
لا يا شروق انتي غلطانه فى حب وحب حقيقي كمان حب صادق حب مافهوش زيف احنا واضحين زى الشمس لبعض حبيبي غير اى حد 
شروق بحزن وعدك بايه اكيد وعود كتير وكدابه 
شعرت زهره أن شروق تتحدث عن تجربه شخصيه يبدو أنها مچروحه بسبب قصه حب لم تكتمل ولذلك ترا الشباب كلهم سواسية يبدو أنها اختارت الشخص الخطأ .
تنهدت زهره ونظرت لها بصدق صدقيني يا شروق انا بحب بجد وهو كمان بيحبني لدرجه ان بېخاف يقولي كلمه تغضب ربنا مافيش بينا غير حب صادق عشان هو ماينفعش يضحك عليه أو يخون ثقه اهلنا حبيبي مش غريب عني هو ابن خالته وصعب يكون مش صادق معايا عارفه ليه عشان احنا فى حكم المخطوبين وهو اصلا مش معترف بخطوبه عمره ماتجاوز معايا بالكلام ولا بالمشاعر هو عارف ان بحبه وانا كمان عارفه مقدار حبي عنده وكل العيله عارفه هو هيتخرج السنه دي ويشتغل عشان نتجوز ويكون جدير بتحمل المسؤولية حبنا غير أنا هحكيلك الحكايه من البدايه من اول جواز خالتو .
نظرت لها شروق بحيره من حديثها ولكن فضلت أن تستمع لزهره .
بدءت زهره بالسرد  
كان فى بنتين توام ايات وجنات ايات دي تبقى خالتو هي اكبر من ماما بدقايق بس .
هم مش توام متشابه اوى يعنى اي حد يقدر يميزهم من بعض بس كانو روح واحده في جسدين متقاربين جدا بيحسو ببعض جدا خالتو اتجوزت الاول ماما كانت اول مره تحس بالوحده وماكنتش عارفه تتغلب على احساس بعد توأمها عنها وخالتي نفس الحكايه لدرجه ماما تعبت ودخلت فى حاله نفسيه سيئه جدا وماكنتش بتخرج