قلبي أطمئن فاطمة الألفي الفصل 22ل الاخير
يا بابا مش تفضيل حد على حد كل الحكايه ببساطه قلبي حبها واختارها حبيتها من قبل مااعرف نيروز وعلى فكره هى صديقه مقربه لنيروز وهى من عيله بسيطه بس مش يهمني غيرها هى وبس
حمدي يعنى ايه عيله بسيطه مش نفس المستوى يا سياده الرائد
غيث بتنهيده بابا من فضلك اسمعني انا مقتنع بقاطمه وبحبها ومايهمنيش اى مستوي اجتماعى ولا مادي حتى بابا فاطمه بتشتغل محاسبه فى الشركه مع نيروز وهى اختياري وجدعه جدا وقويه هى دي إللى اطمن على ولادي وعلى تربيتهم معها عارف أنها هتربي صح على القيم والمبادئ والاخلاق وكمان على قوه الشخصيه وعزه النفس اموت وأنا مطمن على مراتي وولادي
غيث ماما بحكم شغلي بكون طالع مهمه ومش عارف هرجع منها ولا لأ الاعمار بيد الله طبعا بس ظروف شغلي كده
حمدي قولتلك استقيل واشتغل معايا
غيث بابتسامه وأنا حابب شغلي والمهم دلوقتي اخاد موافقتك على جوازى بابا انا محتاجك جنبي وتدعمني ومش هقدر اتجوز من غير موافقتك صدقني لو شوفت فاطمه هتعرف قد ايه بحبها ومتمسك بيها لانها فعلا تستاهل
اسرع غيث يضم والده بحب حبيبي يا بابا كنت عارف قلب ابنك مايهونش عليك
اثار بابتسامة مبروك يا حبيبي هنزور العروسه امته
غيث بفرحه من بكره يا ست الكل بصراحه انا مستعجل عاوز ادخل دنيا بقى
آثار حدد ميعاد واحنا جاهزين ربنا يسعدك يا رب
........................
فرحت رقيه كثيرا عندما علمت بأن فاطمه هى نفسها حبيبه شقيقها فقد تعرفت عليها منذ فتره بسيطه واحبتها حقا وبعد ان تركها غيث ظلت شارده فى حياتها وتذكرت عدم رؤيه مروان منذ أيام وجعلها تشعر بالحزن وتفكر كثيرا هل تخلى عنها ام مازال يحبها حقا كما قال ظلت تتسال إلى أن غلبها النعاس ..
فى فيلا المحلاوى
أثناء تناول وجبه العشاء مع عائلتها قررت اخبارهم بفسخ خطوبتها من غيث
وبعد ان قصت على والديها الأمر ظل والدها يتبادل نظرات الصدمه لابنته وزوجته .
نيروز بجديه طبعا فى الأول والآخر يا بابي حضرتك يهمك سعادتي وأنا سعادتي مع إنسان احبه ويحبني هو انا مش من حقي احب ولا ايه
نيروز مش هقبل بحد غير لو دخل قلبي يا مامي
ماجد بابتسامه انا كنت فاكر ان غيث هو الشخص المناسب ليكي بس كنت غلطان عشان مش فكرت فى الحب فعلا الحب مهم جدا بين اى اتنين مرتبطين وبدون حب صعب تكملي وتستحملي الحياه ومشاكلها تعرفي انا ومامي واجهتنا مشاكل كتير فى بدايه حياتنا والحب والتفاهم إللى بينا قدرنا نتجاوز كل مشكله وبقينا نشوف رغم كبر حجم المشكله كانت مامتك تهون عليا وتوصلي ان المشكله صغيره جدا وليها حل مافيش حاجه فى الدنيا مالهاش حل واهو مع بعض بقالنا 25سنه والحب بينا عمره ماقل ربنا يخليكم ليا
........ ...........................
فى اليوم التالي هاتف غيث والد فاطمه واستاذن منه ان يذهب إليه اليوم مع عائلته لطلب يد ابنته وقراءه الفاتحه وتحديد موعد الزفاف فرح مصطفى بذلك الخبر وحدد له موعد فى المساء .
اخبر مصطفى ابنته بقدوم غيث مع عائلته فى المساء فشعرت بالتوتر والخجل وكأنها لم ترتبط قبل
شاكسها كريم بمرح الحق يا بابا طمطم بتتكثف هههه
مصطفى عيب يا كريم ماتحرجش اختك
كريم بمشاكسه مش مصدق نفسي وربنا من كتر ماهى كانت عامله زى المراقب فوق دماغي ليل نهار شكيت يعني أنها بنوته ورقيقه زى باقي البنات
نظرت له نظره واحده كفيله باسكاته وتوجهت إلى غرفتها دون أن تجادله اسرع كريم يدق باب غرفتها فهو لم يقصد اغضابها فقط يمزح معها .
كانت تبحث عن ثوب مناسب لترتديه فى المساء ودلف كريم غرفتها كالاعصار
اقترب منها بحب وقف خلفها طمطم انا بهزر معاكي وربنا مش قصدي ازعلك والله انا فرحان جدا عشان شايفك سعيده ومبسوطه بغيث طمطم مااقدرش على زعلك
دارت وجهها اليه بابتسامه ورفعت اناملها تقرص وجنته وأنا مابقدرش ازعل منك يمكن عندك حق انا فعلا كنت دايما فوق دماغك بس خوف عليك وكنت عاوزة اشوفك احسن واحد فى الدنيا أنت ماتعرفش انك ابني قبل ماتكون اخوكي وحبيبي
ضمھا بحب فهو حقا تربي على حبها وخۏفها الحقيقي فلم يتمتع بحنان ام غيرها منذ وفاه والدته وشقيقته تتحمل مسئوليته وعبئ المنزل على عانقها وبعد مرض والده هى التى تحملت كل شيء ولم تكل عن مسئوليتها .
ابتعدت عنه وانسابت دموعها اسرعت لتمحيهم وهى توبخه ليغادر الغرفه ويتركها فهى لديها أعمال كثيرا
