الظل الاسود فاطمة الألفي الفصل قصة قصيرة

ايه يا يحيى
قولتلها بصوت عالي 
حقيقة انك مش بنت يا هانم وعشان كدة بتمثلي التعب عشان ابعد عنك صح
فجأة شمس فضلت تضحك ووشها يتلون وصوت غليظ بتتكلم بيه
الصوت زي فحيح الرياح
لو قربت منها ھتتقتل يا يحيى
انا اټفزعت وبعدت عن شمس واتصلت بعمي ابو شمس قولتله انا حياتي بتدمر ارجوك شوفلي حل انا تعبت مابقتش قادر
عمي دور على اي حد يكون عنده حل لمشكلتنا وفعلا عرفنا بمكان ست عرافه في بلد جنب بلدنا ناس كتير بتشكر فيها الأول كنت رافض فكرة نروح لدجالة وانا عارف كويس اوي انها دجالة لكن ده كان آخر حل بالنسبة ليا كنت زي الغريق اللي متعلق بقشة.
وروحنا للست فعلا الا اول ما شافت شمس مراته وبصت في عنيها عرفت ان معمول لها سحر اسود وفضلت تبص ليه كتير وبعدين قالت
اللي أذيك من دمك اللي عاوز ېخرب حياتك من دمك واحدة ست أول حرف من أسمها م هي السبب مش عاوزة تشوفك سعيد ابعد عن شقتك في حاجة مدسوسة في مقاپر بلدكم هقولك على مكانها وتسيب الشقة لان طول ماانتم قاعدين في المكان ده مراتك عمرها ما هتقرب منك ولا هتشوف الخلفة
أنا خدت شمس وروحنا وكلام الست العرافة عمال يرن في وداني وكل كلمة قالتها مظبوط وفعلا اللي كان السبب في دمار حياتي وكسر فرحتي هو اخويا منعم ومراته منى فضلت كاتم حزني جوايا وعرضت شقتي للبيع اخويا طبعا اشتراها بنص التمن بس ما اهتمتش كنت عاوز اسيب المكان باي طريقه رغم دي بيت ابويا بس الأخ اللي يعمل كدة في اخوه لا يمكن ااتمن على حياتي في نفس المكان مع بعض سافرت شغل برة البلد واخدت مراتي معايا وبدأت حياتنا مع بعض والحمدلله ربنا رزقنا بفرحة عمري بنتي فرح اللي ملت علينا حياتنا سعادة وفرح وهنا ودي كانت حكايتي