ليلى حلم العمر فاطمة الالفي الفصل 11 ل 20

حبيبي طمني يا مراد عامل ايه والوضع عندك عامل ايه 
الحمدلله يا عمو
مراد معلش
حبيبي هطلب منك طلب واتمني تنفذه
طبعا يا عمو حضرتك مش محتاج تستاذن طلباتك اوامر
تسلم يا حبيبي كنت عايز اعرف هو في معاكم بنات وياتري اسيا بنت عمك زياد معاكم في رفح حاليا
ابتلع ريقه بتوتر ثم اختلس النظرات اليها ولا يعلم بماذا يجيبه استرد انفاسه بهدوء وقرر ان يصارحه بما حدث ولكن بصوت خاڤت 
لو عمو زياد جنبك طمنه اسيا بخير وياريت تبعد عنه شويا
هز نديم راسه لصديقه الذي يقف جانبه ثم هتف بصوت عال لحظه يا مراد اقف في مكان في شبكه كويسه عشان اعرف اسمعك
ابتعد قليلا عن صديقه وظلت نظرات الاخر متعلقه به
هتف مراد بجديه عمو اسيا فعلا وصلت رفح الفجر واحنا كلنا شباب والفرقه الرابعه مافيش حد من تالته وانا راجع القاهره ومعايا اسيا وخرجنا من رفح اول لم وصلت اطمن عليها وهي بخير معلش بلغ عمي زياد انها كانت متحمسه وعملت كده بطيش بدون ماترجع لحد وطمنه كلها ساعتين وتكون في حضنه
.
زفر انفاسه بضيق ثم استطرد قائلا توصلو بالسلامه يا مراد خلي بالك من نفسك ومنها يا بني
حاضر يا عمو مع السلامه
في امان الله
اقترب زياد بلهفه ها مراد قالك ايه
اطمن هو راجع باسيا في الطريق دلوقتي وهي بس اتصرفت كده بحماس الشباب حاول تفهمها يا زياد وتكون هادي معاها احتويها بلاش انفعال وعصبيه
استرد انفاسه بارتياح وهو يؤمي براسه وانا من امته كنت بتعصب عليها دايما قريب منها بحاول احتويها واكون ليها الصديق قبل الاب بثق فيها ثقه عمياء وليها مطلق الحريه في الاخر بتستغل ثقتي فيها وتسيب البيت من ورايا وورا مامتها دي اخرت الحريه يا نديم دي غلطتي يا نديم 
ربت علي كتفه بحنان لا غلطتك ولا غلطت بنتك اسيا جيل تاني خالص غير جيلنا وبيتصرفو بعاطفه مابيفكروش في العواقب معلش يا حبيبي دورنا ننصح ونسمع ونطبطب كمان ونحاول نوصل لتفكيرهم الجيل ده عاوز اللي يسمعه اكتر مايتكلم وينصحه ونفهمه انا لازم ارجع المستشفي واطمن مراد هيوصلها لحد هنا بنفسه والحمد لله انها بخير
استنى خد عربيتي ارجع بيها
لا انا اصلا مش هقدر اسوق هاطلب اوبر
ودع صديقه ثم غادر منزله متوجها الي المشفى وهو مازال باله منشغل بابنه صديقه ....
داخل منزل براء ..
كان يجلس بجانب زوجته يتحدث معها بأمر صغيرته فريده التي تريد الالتحاق بكليه الشرطه ..
نظرت له بعتاب اللي مزعلني تصرفاتها يا براء ازاي تاخد خطره مهمه كده في مستقبلها بدون علمنا لم تعمل ده دلوقتي وهي يادوب 18 سنه كل لم تكبر سنه هترجعلنا بمصېبه ولا كارثه من كوارثها مش هعدي التصرف ده بالساهل يا براء سبني اربي بنتي صح
حاوط كتفها برفق وهو يهمس بلين يا روح قلبي ماحدش قال ماتزعليش ولا تعدي تصرفها كده عادي بس مطلوب منك يا ياسو تحتويها ياقلبي اكتر من كده اقعدي معاها وافهمي منها وجه نظرها اتناقشو مع بعض اديلها فرصه تعبر عن اللي جواها يا روحي فريده في مرحله حرجه واكتر وقت محتجالك فيه دلوقتي ماينفعش تديدي ضهرك ليها نسمعها ونعاتبها ونوصلها زعلنا بس بطريقتها هي مش عقاپ وخصام ونتجاهل رائيها ده لا هيكون حل ولا هيصلح شيء 
براء فريده بنت مش ولد عشان تشجعها علي اللي هي بتعمله انت مدلعها ومابترفض ليها طلب 
ضحك بخفه وهو يهتف بجديه انا عندي بناتي احسن من مېت ولد ومحملهم المسئوليه ونتيجه اختيارهم انا بثق فيهم وفي تفكيرهم وانا مش مدلع فريده انا واخد عهد علي نفسي لا يمكن اجبرهم لا علي دخول مجال معين انا بفضله وهم رافضينه ولا اجبرهم علي اختيار شريك حياتهم انا سبق لم والدي الله يرحمه فرض عليه شروطه واجبرني علي اتخاذ قرارات تخصه هو في حياتي الشخصيه انا عملت ايه بعدت وقررت ابدء حياتي من جديد وعشان كده سبت ماسه تدخل الطب برغبتها واقترحت عليها تسافر تكمل دراسه في اميركا وهي رفضت انااحترمت قرارتها وارتباطها بعمر شاب كويس ومناسب ليها وبردو هي بتحبه ومن اختيارها لو كان عمر مش مناسب ليها وهي متمسكه به كنت هقعد معاها اقنعها بوجه نظري واسمع وجهه نظرها ماكنتش هرفضه وخلاص هيكون ليه اسبابي لكن هو شاب محترم فليه لا دلوقتي بقي فريده اختارت شرطه وهي نجحت اوردي وشايفه نفسها هتقدر تحقق نجاح في الشرطه مش في الطب ولا الصيدله ده مستقبلها يا حبيبتي وانا معاها وهدعم قرارها وهفضل في ضهرها ممكن نحسسها بغلطتها بدون مانحطم حلمها فريده قرارها من دماغها معاكي انها غلطت مش بقول اللي عملته صح كانت لازم تواجهنا بالحقيقه مش تعمل حاجه من ورانا بس مش نديها فرصه الاول ونفهم منها قصرنا معاها في ايه عشان توصل انها تسيب صيدله وتقدم شرطه وكمان تدخل الاختبارات وتنجح بدون علمنا.
شبكت ذراعيها امام صدرها وهمست بعناد لا ماقصرتش معاها لكن بنتك مابتسمعش لحد غير نفسها وبس وهي لسه طفله ومن حقي اخاڤ عليها لكن انت وعز مدلعنها زياده عن اللزوم وادي اخرت الدلع وصلنا لفين
قرص وجنتها بمشاكسه بطلي عناد بقى وتعالي علي نفسك وخدي بنتك في حضنك وباركيلها نجاحها في الشرطه عشان لم تبعد عنك ما تلوميش نفسك انها سافرت وانتي زعلانه منها عرفيها غلطها بحنان الام واحتواءها وهي هتوعدك ماتاخدش خطوه لقدام بدون ما ترجعلك
انسابت دمعه حارقه وهمست بحزن انت شايفني قلبي قاسې اوي كده علي بنتي حته مني انا بجد خاېفه عليها واتفاجئت بقرارها وحساه امر واقع لازم ارضي بيه ليه ماحدش يحس باللي جوايا انا خاېفه عليها من الشرطه وكمان هي بنت يمكن لو كانت اختارت اي كليه تانيه ماكنتش زعلت اوي كده زي دلوقتي
ضمھا لصدره بحنان وظل يمسد علي ظهرها برفق حبيبه قلبي احنا دورنا ندعمها ونفضل جنبها وطبيعي انتي ام ومن حقك تخافي وتقلقي علي بنتك بس نوصلها الخۏف ده ان ده خوفا عليها مش رفض لمستقبلها وبعدين نستودعها عند ربنا والله خير حافظا وهو ارحم الراحمين ربنا ارحم بيها منك ومني وهي في امان الله بعدين مش عاوز اتطرق للحياه والمۏت عشان مايملكش الروح الا اللي خالقها احنا نستودعهم عند ربنا ونعمل اللي علينا وربنا بيدبر الامور ليه نرهق نفسنا في وساوس مالهاش اي اساس من الصحه نتوكل كده علي الله وهو عنده الحل .
ابتعد عنها برفق ليهتف بصوت مرتفع منادايا لابنته فريده فراوله
دلفت لغرفه والديها بلهفه فقد طال انتظار تلك اللحظه التي تنتظرها وقفت تتطلع اليهم بحماس شوبيك لوبيك فراوليه بين ايديك
ابتسم لجنيته الصغيره ثم اشار اليها لتقترب منهما بسبابته تعالي صالحي مامي واوعديها ماتكرريش الغلطه دي تاني بس الاول انتي مقتنعه بغلطتك ولا لا
همست بخجل عارفه والله يا بابي ان اتصرفت بغلط بس بجد كنت خاېفه من رده الفعل تكون ضدي
اقتربت من والدتها باسف انا اسفه يا مامي اوعدك مش هزعل حضرتك تاني وهتفتخري بيه في يوم من الايام واتمنى حضرتك تثقي فيه
فردت لها ذراعيها لترتمي بحب بين احضانها الدافئه وهي تردد بمرح كان فين الحضن ده من زمان بركاتك يا بوب
وكزتها بخفه اعلي كتفها بطلي طريقتك دي بقى .
غمزت لوالدها بعينها اليسرى هو في احسن من كده طريقه
بادلها الغمزه هو الاخر مافيش احسن من كده بكش ههه
صفا مراد سيارته امام منزل أسيا ثم اقترب منها لييقظها ولكن سبقته وهي تترجل من سيارته دون ان تنظر اليه وقبل ان ترحل همست بصوت يملئه٠ الحزن شكرا لحصرتك. ثم صفعت الباب بقوه وسارت بخطوات واسعه تدلف لداخل المنزل لتتفاجئ بوجود والديها ينتظرانها بقلق تسمرت مكانها وهي تبادلهم النظرات بأسف ..
همت خلود بتوبيخها علي ما فعلته ولكن اوقفها زياد باشاره من كفه لتصمت وهتف مناديه لابنته وهو يفرد لها ذراعيه اسيا تعالي لحضني ٣واحشتيني
ركضت لاحضان والدها تتشبث به بقوه ثم طلقت لدموعها العنان ما كان منه الا ان يحتويها بحنان لتستمد الامان التي بحاجته يريد امتصاص حزنها ومحو تلك الدموع التي ټحرق بجسده عندما هبطت علي كتفه تبلله تنهد زياد بحرقه وهو يتسأل داخله ماذا فعل لتتبدل صغيرته بين ليله وضحاها هل قصر بحقها وابتعد عنها تلك الفتره ليتحمل منها ترك المنزل بهذا الشكل حاول العوده بذاكرته للخلف ليعلم ما الخطأ الذي اقترفه بحق ابنته لكي تحدث تلك الفجوه بينهما ......
عاد نديم للمشفى وتفاجئ باصرار زوجته علي العوده الي منزلها فقد ثئمت المكوث بذلك المكان لم يريد مجادلتها لذلك وافقها الرأي من اجل راحتها النفسيه وبالفعل انهئ اجراءات الخروج وساعد زوجته بالجلوس داخل السياره ثم بحث بعينيه عن ابنته ليستمع لصوت عابد لولي هتركب معايا يا عمو ماتقلقش
اوكيه بس تسوق علي مهلك وتحط حزام الامان مفهوم
ابتسم له بحب وهو يهمس مفهوم طبعا يا باشا
انطلق نديم بسيارته الي حيث الفيلا ثم اتبعه نبيل بسيارته ولكن ابتعد عابد عنهما وسار من طريق اخر .
نظرت له ليلي بتسأل عابد ده مش طريق البيت رايح بينا علي فين 
ارسل اليها غمزته المشاكسه ثم هتف بلامبالاه مفاجاه .....
الفصل الثالث عشر
ليلى حلم العمر 
بقلم فاطمه الالفي
ظل يبحث عن ذاك الطبيب وعندما علم بانه مازال علي قيد الحياه اسرع بالتوجه اليه داخل مشفاه الخاص ...
جلس بتوتر امام احدي الغرف ينتظر اذن الدخول مرت الثواني عليه كالدهر وعيناه متعلقه بذلك الباب الي ان خرجت الفتاه واخبرته بان الطبيب في انتظاره ...
نهض عن مقعده وتقدم الي تلك الغرفه طرق بابها برفق ثم دلف لداخل واغلق الباب خلفه ..
القي التحيه علي ذلك المسن القابع خلف مكتبه وهو يتفحصه بتمعن فيبدو عليه الكبر فهو في العقد السادس من عمره وعلامات العجز محفوره اسفل عنيه وكسا الشيب شعره وتجديع الكبر ترسم لوحتها اعلي وجنته ولكن يمتلك نظرات حاده وصوت جلي عندما بادله بنفس التحيه واشار اليه بالجلوس .
تنهد سيف بهدوء قبل ان يخبره بالامر الذي دفع به لتلك الزياره ..
ابتعد عن ابنته مرغما علي ذلك يريد محو دموعها والتحدث معها يريد ان يعلم بالسبب الحقيقي وراء تغيرها المفاجئ .
قرر اصطحابها في نزه خاصه بهم وحدهم ثم حاوطها بحنان لتسير جانبه مغادرين المنزل ثم استقلو بسيارته ليختلي بابنته ويتحلل من قيود الابوه وان يتسع صدره لحديثها ويستمع اليها بقلبه الحاني ...
صفا عابد سيارته امام البنايه التي يوجد بها مكتب المحاماه الخاص
بسيف النحاس وجده سامي