عناد العُشاق الجزء الثاني من قطة في عالم الذئاب الكاتبة فاطمة الألفي الفصل 1،2،3

الدنيا وكمان عكاز أبوهم لم كبر عاصم وبعد عن الشغل أوس كان فى ضهرة وكمان ليث جنب أوس وهم الاتنين سند بعض ربنا يخليهم ليا عشان كدة بقولك تحملى تانى وتجبيهم ورا بعض كدة وماتحمليش هم التربيه انا موجودة وهفضل جنبك بس تمليلنا البيت عيال والله دول احسن حاجه فى الحياة هى الذريه الصالحة هيكون سند وعكاز لاوس لم يكبر وكمان هيكون سندك ابنك حته منك وفرحتك ان الاوان بقى يكون فى أخ ولا اخت لايان .
فيدرة بتوتر . حاضر يا طنط حاضر ..
سوسن بفرحه . يحضرلك الخير يا حبيبتى يارب .
...بقلم فاطمه الألفي..........
فى فيلا فادى البكرى ..
جلس الجميع على مائدة الطعام.
فدوة . ابيه ممكن توصلنى فى طريقك عند فيدرة المصنع اول يوم بقى ولازم أقف جنبها .
فادى باستغراب. توقفى جنب مين مش فاهم هى فيدرة هتلعب دى شغل يا حبيبتى اعقلى كدة وخليكى فى البيت ولا روحى النادى مش عندك تدريب
فدوة بغيظ . لا ماعنديش وايه حكايه اعقل شايفنى مجنونه وبعدين انا عايزة اشوف اختى انا حرة بقى هتوصلنى ولا هتسيب اختك تركب تاكسى .
فادى . وانا أقدر يا روحى هوصلك طبعا
فرح . وانا كمان يا بابى ايوح مع ديدو
فدوة . انطقى الدلع صح وانا اخدك هههههه
ديما . ههههه لا يافروحه إحنا هنروح النادى
فدوة . وايه يعنى تيجى معانا يا ابيه .
نجوى بسرعه . لا طبعا عايزة تروحى انتى حرة بس فرح لا خطړ تروح هناك
فادى . انا مش فاضي ورايا شغل قررتو ايه
فدوة . انا جاهزة يا أبيه
فرح بحزن . انا زحلانه منك بقى يا بابى
حملها فادى وقبلها وضمھا . أوعدك هتيجى معايا الشركه بس مرة تأتيه عندى شغل مهم ولازم امشى ماشى يا قلب بابى
فرح . ماسى
فادى . فين بوسه بابى
قبلته من وجنته وانزلها فادى .
ديما . قولى لبابى باى
فادى . باى يا حبيبه بابى لو محتاجين حاجه ابقى اتصلى يا ديما سلام .
ديما . مع السلامه يا حبيبى .
...بقلم فاطمه الألفي........
خرج فادى بصحبه شقيقته لايصالها إلى المصنع أولا ثم الذهاب إلى عمله ...
......
فى فيلا الملكى .
هبط أوس برققة ايان
كان الاثنان يرتدى نفس الثياب بنطال جينز ازرق وتيشرت أبيض ويعلو جاكت اسود ونفس تسريحه الشعر ووضع عطر من عطر والده ..
أوس بابتسامة . صباح الخير
رد الجميع . صباح النور يا حبيبى
ليث بابتسامة . ايه الشياكه دى يا ايان باشا طول عمرك شيك لعمك
أوس . ههههه عمك دبب ابنى طالعلى انا
ضحك الجميع على مشاكسه الاشقاء .
نظر أوس إلى زوجته يريد أن يطمئن عليها بعد ما حدث بالأمس ولكن لن تتاح له فرصه .
تطلع إلى ما ترتدى وجدها ترتدى شميز لبنى وفيست أبيض طويل وبنطال أبيض ابتسم لها بحب .
وجلس الجميع لتناول الإفطار معا ..
بعد الانتهاء من الإفطار .
أوس . جاهزة يا هندسه لأول يوم عمل
فيدرة بابتسامة . طبعا جاهزة .
عاصم . بالتوفيق يابنتى
أوس . يلى بينا
ايان . انا كمان جاهز يا بابى طالع حلو يا مامى
فيدرة بحب . طبعا يا قلبى طالع حلو وزى القمر كمان
سوسن . هو ايان جى معاكم ولا ايه
أوس . ايان هيكون مع فيدرة قول لجدو وناناه باى
ايان بفرحه . باى يا جدو باى يا ناناه
سوسن بقلق . لا طبعا ماينفعش خليه هنا معانا فى البيت
فيدرة . انا وعدته ان ينزل معايا المصنع كل يوم وهو فرحان ومتحمس
سوسن بقلق . ازاى يعنى ينزل معاكى