قلبي اطمئن فاطمة الألفي الفصل 8إلى 14
انا بنفسي هخلي رقيه تقطعهم بايدها
ابتسم بسخريه وانت فاكر ان رقيه هتشوفك بعد كده
مروان هحاول معاها انت مش حاسس بيه صدقني انا بجد ندمان ومستعد اتجوزها بجد بس هى توافق وهتحمل عجزها بس تسامحني
مازن بضيق بعد ايه يا مروان انت هديت جواها كل حاجه البنت حبتك ووثقت فيك وامنتلك وانت بكل نداله وقله اصل جرحتها ودست عليها وكسرت قلبها إللى حبك وکرهت نفسها أنها عرفتك ولا شافتك فى يوم من الايام
مازن بحزن للاسف انت اخويا وقدري افضل جنبك بس ورحمه ابوك وأمك يا مروان ماهسامح فى حق رقيه غير لو هى بجد سامحتك ولو ماتغيرتش هكون اول حد احطك فى الحجز
مازن انا مش هعرف غيث بس مش عشانك لا عشان مش اهز صوره رقيه قدامه ولا اخليه يفقد الثقه فى اخته. كفايه إللى هو فيه مش هيكون حبيبته واخته كمان وكله منك انت
مروان بتساول مني انا فى ايه ومين حبيبته دي كمان
مازن بتنهيده البت بتاعت التاكسي إللى علمت عليك اكيد فاكرها ما انت بنفسك جبتلي رقم التاكسي
مازن بضيق فى المهمه إللى كنا فيها وغيث اعجب بيها وحبها كمان بس انا نجدته فى الوقت المناسب وبلغته حقيقتها وكمان رقبتها فتره ومن كلامك واللى شوفته خلاني اشك فيها والحمد لله ظهرت على حقيقتها وغيث بعد عنها فى الوقت المناسب
مروان بذهول بس البنت دي فعلا بريئه وماعملتش حاجه
مروان بجديه انا مااعرفش اسمها فاطمه ولا ايه بس هى فعلا بنت جدعه وبميت راجل كمان
امسكه مازن من ياقته. فهمني ايه إللى حصل بالظبط
مروان پاختناق. طب نزل ايدك بس
تركه مازن وهو يشتعل ڠضب
انت ايه يا اخي شيطان بتفكر ازاى. حرام عليك بسببك انت اتهمت البنت ظلم وافتريت عليها وكمان كسرت قلب اعز اصحابي وجرحت بنت مالهاش اي ذنب فى حاجه حسبي الله ونعم الوكيل فيك أقول ايه لصاحبي كل إللى الادعاءات كدب فاطمه بريئه ومافيش أشرف منها اقوله ايه وانا السبب صدقتك وانت فاشل وصايع كل يوم بترجع تطوح من كتر الزفت إللى بتشربه ومع ذلك صدقتك انت وانت حيوان بټنتقم من بنت عرفت تصدك وكمان تسبب فى شلل التانيه اعمل ايه بس يا ربي اعمل ايه
مروان انت قولت انك راقبتها واتاكدت من كلامي يعني شوفت عليها حاجه بجد
مازن بحزن. لا ما شوفتش حاجه تسي لسمعتها بتشوف شغلها على التاكسي بس انا كان الشك جوايا وهى بتعامل الكبير والصغير باحترام وتبتسم فى وشهم كنت بفكر فى حاجات تانيه انت السبب إللى وصلتلي الاحساس ده ظلمتها وجرحتها واتهمتها بالباطل وكمان اتسببت فى سجنها وتعبت دخلت المستشفى وكل ده بسببك انت وخليت غيث صدقني وجرحها وكسرها بكلامه وخلاص بقت شرخ في حياه غيث وأنا بنفسي إللى اتسببت فيه وكسرت قلب صاحبي
مروان تقدر تقوله أنها بريئة وانا السبب لو ده هيريحك أو انا بنفسي اقوله
وعادي يرجع حبه هو لسه مش خسره للابد يعني
مازن مش
