رايات العشق فاطمة الألفي الفصل 33، 34،35،36،37ة

العاشقين 
لتضحك برقه على همساته الرقيقه صباح الحب والحياه السعيده فى قربك انت وبس 
ليرسل إليها غمزته الشقيه احبك وانتي معايا على نفس الخط ههه
لتشهق بفزع بعدما تذكرت أمر السفر الساعه كام ميعاد الطياره
ضحك بصوت عال يابنتي اهدي لسه بدري قومي كده فوقي وخدي شاور وأنا هحضر الفطار بنفسي بس ماتخديش على كده ها 
لتنهض من الفراش وتطبع قبله رقيقه اعلى وجنته ثم سارت باتجاه المرحاض لتنعش جسدها وتبدل ثيابها لكي يتناولون الطعام وبعد ذلك يتوجهون الى المطار ..
بعدما صفا سيارته امام المشفى وترجلا من السياره توجه كل من اسر وايسل الى غرفه تبديل الملابس أولا ثم الانتظار بغرفه المساعدين ..
جاء أمر استدعاء لايسل من مدير المشفى لتتوجه الى مكتبه وتعلم ما الأمر اما اسر فجلس بغرفه المساعدين وحضر صديقه باسل وبدءت جلسه الاصدقاء فى المشاكسه وبعض الاحاديث الخاصه ..
كانت تجلس امامه وهو يتحدث بجديه 
دكتوره ايسل طبعا انا اتكلمت فى الاجتماع عن الكافله الطبيبه اللى بتسافر فى قرى كتير جوه القاهره وخارجها من المحافظات فى قرى جوه الصعيد فيها حالات تستدعى تدخل جراحي وطبعا مافيش امكانيات جوه القريه نفسها وأنا لم بدءت اخد اجراءت وخطوات ان اساعد اى محتاج واقدم اللى اقدر عليه من اجل انقاذ ارواح الناس وده عمل خير وتطوعي المستشفي بتقوم بيه كل كان شهر بنحدد الحالات اللى محتاجه وفريق طبي بيوصل القريه ويقدم المساعده نعمل العمليات وكمان الادويه زى الامړاض المذمنه من قلب وصغط وسكري وكمان بنقدم علاج فيروس سي بعد عمل التحاليل اللازمه تحبي تكوني ضمن الفريق هو السفر هيكون انهارده للأسف فى حالات مش هتتحمل لاخر الشهر مده الكافله اسبوع هو بيكون متعب جدا بس فى سبيل عمل الخير ربنا بيقدرنا 
هزت رأسها بحماس أنا مستعده 
يبقي تروحي تحضري شنطتك وتبلغي والدك طبعا وتكوني هنا كمان ساعه عشان تتحركو عشان الطريق لسه طويل وبياخد وقت .
نهضت من اعلى مقعدها وهمت بالانصراف توجهت الى غرفه المساعدين اخبرت شقيقها بالأمر وغادرت المشفي على الفور لتستقل اول سياره أجرة فى طريقها لتعود الى المنزل واثناء عودتها اخرجت هاتفها وطلبت من اجين ان تعد لها حقيبه الملابس ..
تحدث اسر مع صديقه 
مش غريبه السفر دلوقتي دكتور راؤوف قال بعد شهر ايه اللى جد
رفع باسل كتفه بلامبالاه يمكن فى أمور جدت
ليدلف عاصي الغرفه ويتحدث معهم بجديه 
صباح الخير يا دكاتره 
ليقف كل منهما احترام له صباح الخير يا دكتور 
أنا هغيب اسبوع بسبب الكافله الطبيبه ومطلوب منكم تتابعو الحالات بنفسكم وخليكم معايا تبلغوني باي جديد بالفون فى دكتور صديق ليه هيستلم الشغل انهارده وهو هنا مكاني هيقوم بالعمليات اللى مستدعيه تدخل فورا مش عايز أي تقصير مفهوم وتبلغو باقي المساعدين مش عايز أي شكوى فى غيابي يلا اشوف وشكم بخير ودكتور جاسر الشافعي هيكون موجود وسطيكم خلال ساعات 
غادر الغرفه بهدوء ليستعد للقدوم على تلك المواجهة التى ستكون بينهم بعد لحظات من الان ...
كان منكب على مكتبه لا يرا شيء ولا يعي بشئ حوله فقط يتذكر ذلك الکابوس الذي جعل قلبه ينقبض بقوه وكانه يختنق ولا يستطيع التنفس ..
دلفت لداخل مكتبه بعدما انهت الملف التى كانت تعمل عليه .
وقفت امامه بثبات مستر رامي أنا راجعت الحسابات الماليه الموجوده فى الملف وكلها مظبوطه اتفضل الملف 
نظر لها بشرود كان مثل المغيب 
لتضع روعه الملف امامه وتنظر له بضيق بسبب تجاهله لحديثها أي اوامر تانيه 
فاق على صوتها الغاضب