علاقات مشوهة فاطمة الألفي
انت في الصفحة 9 من 9 صفحات
لانهم ميعرفوكيش ومحتاجين يعرفوكي اكتر فلما حيعرفوكي وخصوصا بتصرفاتك وطبيعتك اكتر من كلامك حيفهموا لوحدهم انه مريض ومش طبيعي واللي ميفهمش ميلزمكيش اقفلي وراه الباب
٣ بطلي تستخبي وتخبي مشكلتك واحكي للحواليكي باللي بيحصل معاكي
اذا كنتي caretaker فانتي بتخجلي من الخطأ وحتحسي بالمسئولية تجاه انهاء العلاقة او تجاه اي مشكلة كبيرة تحصل بينكم وبيكون وضعك حاجة من اتنين اما تستخبي ومتحكيش لحد ابدا اللي بيحصل معاكي او انك بتحكي لأي حد يقابلك ويادوب لسة متعرفة عليه سواء في النادي او المواصلات والحالتين دول غير مفيدين بالمرة المفروض انك تحكي للقريبين الموثوق فيهم اللي مفروض انهم يساندوكي وبالنسبة للمعارف والصداقات البعيدة لازم تعلني لهم ان العلاقة انتهت دة لو فيه طلاق واذا العلاقة مستمرة فمفيش اي داعي ان اي حد من المعارف دول انه يعرف اي حاجة عن الطلاق الصامت اللي حاصل اللي هو انفصال بدون طلاق وتعايش مع النرجسي ومش مفروض انك تعلني عدائك له زي مابنشوف علي السوشيال ميديا وخصوصا اللي اتطلقت هي تقول وهو يقول وفي الاخر انتي اللي بټتأذي وتتعبي وهو ينبسط بقهرك . بالنسبة للاطفال حذاري انك تطلعي فيهم غلبك وقهرك وتقهريهم هم كمان بالعصبية بتاعتك وبدل ماتكوني مصدر الامان لهم تكوني مصدر الړعب ومفيش داعي انهم يشوفوا مشاعرك تجاه ابوهم لان هم شايفين مشاعره تجاهك وفاهمينها اكتر منك ودة كفاية عليهم وافهمي انهم بيعانوا زيك بالظبط ويمكن اكتر منك فحاولي تخففي عنهم بدل ماتزودي عليهم اما اذا كانوا داخلين على المراهقة او مراهقين وهو بدأ يستحوذ عليهم ويستخدمهم ضدك ففي الحالة دي لازم تقربي منهم وتصاحبيهم وتهدي اعصابك جدا وتعملي معاهم حوارات ومناقشات كتير في الحياة بصفة عامة وفي حياتكم بصفة خاصة ولازم توريهم نماذج الاباء الطبيعين بشكل غير مباشر وبحكمة متجرحش عشان يعرفوا انهم بيتعرضوا للاستغلال ولازم تكوني قوية وتكوني حضڼ دافي لهم تعوضيهم عن وجوده وكل دة في الاخر حيخليهم يشوفوا الصورة صح وبكدة تصعبي عليه انه يستغلهم ضدك او يحاربك بيهم .
ازاي تقنعي النرجسي أو تضغطي عليه أو تساوميه عشان يعمل اللي انتي عايزاه .. د كوثر سند
انتي عارفة وفاهمة كويس ان النرجسي مهما كان ذكي الا انه داخليا مهلهل وضعيف وضايع ومش بيحب نفسه ومعندوش ثقة بنفسه وهو عمل القناع اللي مصدره للعالم دة عشان يداري الكلام دة
طيب اللي انتي متعرفيهوش بقى ان النرجسي بيختارك زي ماقلت لك قبل كدة بيختارك بعناية فائقة بيختار واحدة بتعرف تحل المشاكل وعندها مستوى فكري معين وعلمي كمان وذكية كل دة فيكي انتي وانتي ممكن تكوني نسيتيه من اللي اتعمل فيكي وشوهك المهم هو عارف امكانياتك كويس وعارف انك اذكى منه وانه ممكن جدا يعتمد على رأيك وانك اصلا اللي ممشية له حياته بالكامل ومع ذلك لما تقولي رأي يسفهه ويستهزأ بيكي ويبين لك انه تهريج وكلام فاضي وبعد شوية تلاقيه يروح يقوله للناس على انه رأيه يااااه للدرجة دي ايوة للدرجة دي هو انسان مريض فانتي مش محتاجة تبذلي مجهود في اقناعه انتي بس بتقولي رأيك وتسكتي وهو بيفكر شوية وبياخد بيه وينسب الفكرة لنفسه . في حالة كانت بتشتكي لزوجها النرجسي من ابنها اللي عنده بعض اعراض النرجسية وبتقول له هو مش بيسمع النصيحة وبيحسسني انه مش سامعني اصلا تخيلوا قال لها ايه قال لها انصحي متقلقيش هو سامعك ومركز معاكي جدا بس هو بيعمل نفسه مش معاكي ولا سامعك بس هو بيسمع ويقلب الكلام في دماغه وبعد كدة بينفذه بالحرف الواحد تخيلي بقى اعتراف صريح باللي بيعمله هو نفسه والحالة دي قالت لي لما بدأت تركز مع جوزها دة لقت ان هو بيعمل كدة بالحرف يخليها بتتكلم ويشغل نفسه بأي حاجة وميبصش لها حتى مفيش اي نوع من اداب الحديث اللي علمهولنا سيدنا عليه الصلاة والسلام اللي هو تبص للي بيكلمك لا طبعا مفيش الكلام دة المهم انها تفضل تتكلم وتقنع فيه لما يتهد حيلها وفي الاخر تلاقيه بيكلمها في موضوع تاني وكأنه مسمعش اي كلمة منها او يقول لها انتي بترغي كتير ليه او هو انتي فاهمة حاجة اصلا او ايه الكلام الفاضي اللي بتقوليه دة وبعدين تتفاجيء انه بيتبنى رأيها ويعرضه كأنه رأيه ويعمل بيه .كل دة مش مهم المهم انه بينفذ الصح اللي فيه مصلحة البيت والاولاد
من ضمن تكتيكات اقناع النرجسي انك تستغلي نقطة ضعف كبيرة عنده زي شكله ادام الناس حاجات كتيرة جدا تقدري تقنعيه بيها عن طريق ان الناس حتستغرب الناس حتقول ازاي انت تعمل كدة الناس حتقول انت ازاي معملتش كدة دة شكلك ادام الناس وانت حر فيه اعمل اللي انت عايزه النقطة دي جربتها مع حالات كتير وبتجيب نتيجة كويسة
د كوثر سند
الفصل العاشر
بقلم فاطمه الالفي ..
البدايه وليست النهايه ..
بعد مرور ثلاثه أشهر من الدعم النفسي تم التشافي واتخاذ القرار المصيري بحياه كل منهما ..
بدايه جديده ..
يوم جديد مشرق علي الجميع ملئ بالتحديات فاليوم سوف تواجه كل فتاه ضعفها وتنتصر عليه من أجل ذاتها ثم بناء جسرا قويا ليفصل بين حياتها السابقه وحياتها الان يعيشون اليوم بأمل مشرق ..
دلفوا ثلاثتهم والابتسامه تعلو ثغرهم يطرقن غرفه الطبيبه التي مثابه الام الداعمه لهم .
قابلتهم الطبيبه بوجهها الباسم وملامحها البشوشه نهضت من أعلي مقعدها القابع خلف المكتب وسارت في خطوات هادئه ترحب بهم ليلتفون حولها سعيدون بقربها وانهم قد تجاوزا مرحله التعافي وكل منهما يخطط لحياته بمنظور مختلف وأمل جديد في الغد يسعون لتحقيق احلامهم ..
نظرت لهم الطبيبه بفخر واعجاب وعادت علي مسامعهم تحقيق حلم كل منهما وحياتهم اللذين يعشونها الان بطمئنينه وراحه بال ..
غسق قررت تستقل بذاتها وتحقق حلمها اللي يحيي كان بيسخر منه وهو الكتابه ودلوقتي نزل لها اول روايه ورقيه وبتبدء من جديد وسط اهلها اللي كانو داعم قوي ليها وقت اذمتها وتجاوزت كل ده وعايشه حياتها لنفسها ولابنها اللي كان مصدر سعادتها وتمسكها بالحياه وفانزاتها اللي بتناقش معاهم طرح رواياتها غسق قدرت تخلق لروحها الكيان اللي هي اختارته وبارادتها مابقتش الطفله الصغيره اللي اهلها بيرغموها علي قرارات مصيريه بقت هي صاحبه القرار الاول والاخير في حياتها .
هتفت غسق بابتسامه مرحه لا وكمان رفعت قضيه طلاق والمحكمه حكمت بتطليقي من يحيي وهو لسه مسافر وكمان نفقه ابني كل شهر بتوصلني والحمد لله انا الام والاب وكل حياته وبدا يتحسن في التخاطب وزرعت جواه الثقه بالنفس واختار يدرب كوره في النادي بجانب دراسته ومثله الاعلي مو صلاح نفسه يوصله ويكون لاعب زيه ناجح ومشهور
هتفت الطبيبه بفخر قد ايه سعادتي بيكم انهارده ماتتوصفش الحمدلله اطمنت عليكم وغفران
غفران .. سعيده جدا انك كسبتي قضيه الخلع ودلوقتي بقيتي حره طليقه من قيود عمر وتعافيتي تماما من حبك ليه اكيد خسړتي اعظم نعمه في حياه الست وهي حقها في الانجاب بس ماخسرتيش مشاعرك كأم تقدري تدي الحب للاطفال وسعيده جدا جدا بقرارك المهم بانك تتبني طفله تبدء حياتك الجديده معاها ده اكبر داعم وحافذ ليكي انتي اختارتي تعافري في الحياه وتكملي رغم كل اللي حصلك ولكن مش دي النهايه بالعكس دي بدايه ليكي ولبنوتك ماقولتيش سمتيها ايه
ابتسمت بسعاده وهي تقول دنيا عشان هي دنيتي الجديده
نظرت الطبيبه لاخرهم شجن ..
اخيرا يا شجن وصلتي لبر الامان خطوه مهمه انك صارحتي اهلك بحقيقه حاتم واللي مريتي بيه هي خطوه اتاخرت شويا بس المهم انها حصلت واكتشفتي قد ايه كنتي غلطان لم استحملتي حاتم وسكتي هو كات فرحان بضعفك وكويس ان طلق بدون شوشره لانه جبان وماعندوش مقدره علي المواجهه انتي ربنا نجدك انتي وابنك منه عشان ابنك يعيش حياه سويه مش يتعقد وعلاقتك بوالده تأثر عليه بالسلب .
همست بمرح صحيح خد كتير تمن حريتي بس ده ما يمنعش ان سعيده بالخلاص منه وانا قادره ارجع احقق ذاتي وابدء من الصفر الحمدلله والدتي واخواتي في ضهري ومافيش يأس بعد اليوم
هتفت الطبيبه بجديه اللي حصلكم ده مايمنعش انكم تسيبو قلبكم موارب للانسان اللي يستحقه بجد مش معني ان كده حياتكم انتهت لا انتو لسه بتبدءو في مرحله جديده وانتو لسه في عمر الثلاثين يعني ماحدش يقول خلاص انا اعيش لابني وبس حقك انتي كانثي تكملي حياتك وتحلمي بعوض ربنا الجميل مش معني ان اول تجربه كانت مع الشخص الغلط يبقي نتعقد ونكره كل الرجاله اولا مش كلهم عمر ولا حاتم ويحيي مش هم دول الذكور اللي في المجتمع وبس لا في رجاله بجد واتمنالكم تدوم سعادتكم وربنا يعوضكم عن معاناتكم وصبركم اجمل عوض .
تبادلو النظرات بينهم في دهشه ثم هتفو بصوت مرح
جواز تاااني لااااااااااا
ثم تعالت الضحكات والتفو حول بعضهم يمرحون ويتمايلون بخفه وسعاده وكانهم فراشات تحلق في سماء الحريه ترفرف بجناحي السعاده والفرح وكأنهم خلقنا من جديد ..
السعاده لا تقتصر علي وجود الرجل في حياتك ويظل هو محور حياتك وانما تقتصر علي كونك انثي تريد العيش بحياه كريمه دون مذله او اهانه دون استسلام للظلم الواقع عليكي تحرري من قيودك لا تقبلي بان تكوني الطرف المضحي فسوف يأتي يوما ولا تستطعين ان تستنشقي
الهواء بحريه اسعي لتحقيق ذاتك واهدافك في الحياه لا تقتصر علي شخص معين بلا تختصر علي كونك أمرأه قويه هي التي تصنع سعادتها بنفسها كما تشاء لا تسمحي للظروف اجبارك علي اكمال حياه لا تشعرين بها بالسعاده المطلقه
تمت بحمد الله
علاقات مشوهه
فاطمه الألفي
