علاقات مشوهة فاطمة الألفي

غير اذنه لو لقيتي نفسك خاېفة توافقي على اجتماع ضروري عشان حتتأخري عن ميعاد رجوعك البيت لما تلاقي نفسك خاېفة تاخدي قرار انك تروحي تزوري حد قريبك في المستشفى عشان هو ممكن يكون مبيحبوش فتخافي لايعمل لك مشكلة لما تكوني في بيت اهلك وجاي لهم ضيوف وتخافي تقعدي معاهم عشان خاېفة جوزك يعرف فيميعجبوش انك ما اخدتيش اذنه لما تلاقي نفسك بدأتي تشتري حاجة نفسك فيها من وراه عشان حيقول لا ولو عرف انك جبتيها حيعمل لك مشكلة بالرغم من انك انتي اللي حتدفعي تمنها لما تلاقي نفسك بتاكلي اللي نفسك فيه من وراه انتي واولادك وبتخبوا حتي نوع اكلكم عشان تتجنبوا المشاكل والمحاضرات المطولة والتهزيء اللي مش بيخلص . كدة انتي مع شخص خطړ ولازم توقفي سمه او تسيبيه او تفصلي نفسك عنه .
٦ طبعا لوحسيتي نفسك معزولة عن العالم بما فيه امك وابوكي واخواتك ومش محتاجة اتكلم في دي 
٧ لما يبدأ النرجسي يستمتع بإذلالك ادام الناس ابدا متقبليش الوضع دة الوضع دة بيساوي الضړب بالظبط مينفعش تقبليه ولازم تاخدي موقف تسيبيه وتمشي او تغرميه لما تروحوي لو قدرتي عليه وفي النهاية اذا الوضوع اتكرر ومش حتقدري تتركيه يبقى لازم متخرجيش معاه ابدا ومتتواجديش معاه في اي مكان فيه ناس وتجمعات اسرية ولا اصدقاء ابدا احمي نفسك من الاذلال والاھانة مفيش اغلى من نفسك والله لو حتشتغلي في محل اشرف لك من اذلالك ادام الناس وتقولي عشان بيصرف علي وعلى اولادي دة انتي معتقدة انه هو اللي بيرزق عشان كدة ربنا بيسيبك في الذل لو انتي عارفة وعندك ايمان قوي ويقين ان ربنا اللي بيرزق عمرك ماحتقبلي الذل عشان الرزق اذا ملك الملوك بيرزقك وانتي معززة مكرمة ازاي تقبلي الذل من بني ادم وضيع وضعيف عشان الرزق 
٨ لما الصمت العقاپي يوصل لست شهور وسنة واتنين لاكلام ولا علاقة حميمة ولا اتصال ولا اي احتكاك يبقى لازم تعيشي حياتك ومتقبليش انه يقول لك رايحة فين وجاية منين ولا له عليكي سلطان لان من حقك الطلاق من غير ولا حرف منه لانه هجرك اكتر من اربع اشهر واتصلوا بدار الفتوي واسألوا يعني اذا مش حتقدري تتطلقي منه يبقى اخرجي من تحت سيطرته وحاولي تصرفي على نفسك وتأكلي نفسك وانتي في بيته عشان يبقى كدة هو مش قايم باي واجب من واجباته كزوج فتسقطي اي حق له كزوج
______
ازاي يكون عندك ثبات انفعالي اثناء هجوم النرجسي عليكيازاي تعيشي من غير ما تمرضي نفسيا.... د كوثر سند 
ازاي تتعاملي مع النرجسي او أي شخصية مسيئة وتستمري معاه من غير ما تأثري على صحتك .
ازاي تقدري تمسكي اعصابك وتكوني هادية ومتنفعليش معاه لما يعمل لك جازلايتينج ويلف ويدور معاكي ويعمل لك اسقاط او يعيد توجيه اللوم عليكي  
حقولك كلام مهم جدا لازم تركزي فيه كويس لانه حينفعك في التعامل مع النرجسي وغيره وغيره دي هي الأهم اطفالك اللي بقيتي بتنفسي فيهم غضبك من النرجسي وانتي مش واخدة بالك 
طيب ايه اللي بيحصل لما النرجسي يستفزك ويسقط عليكي او يعمل لك جاس لايتينج بيحصل عندك ڠضب طيب تعالي نشوف مخك بيتعامل ازاي مع الڠضب دة 
بيخلي جسمك يتحط في حاجة اسمها مود حارب او اهرب او تجمد ودة المود اللي برضه المخ بيحطك فيه لما تتعرضي للخطړ ربنا خلقه عشان تحمي نفسك وتحمي حياتك يعني لو اتعرضتي لهجوم من أي شخص حيؤذيكي جسديا او حيوان مفترس حتلاقي نفسك اما تحاربي او تهربي وبعض الناس بيحصل لها شلل مؤقت بتتجمد في مكانها من كتر الخۏف وفي الحالة دي لما الجسم يدخل في مود حارب او هرب المخ بيعمل شت داون للجزء الامامي في المخ ايه دة ليه لان الجزء دة بتاع التحليل والتفكير المنطقي والمشاعر ودول انتي مش محتاجة لهم في ساعة الخطړ فمش عايزين تشويش وتعطيل لانه لو اشتغل الجزء دة حيعطلك عن انك تهجمي او تهربي ودة حيكون فيه خطۏرة على حياتك دة لو فيه عدو او وحش بيهاجمك طيب لما تكوني بقى بيحصل لك هجوم من النرجسي وتغضبي بيحصل نفس الكلام بيحصل شت داون للجزء الامامي للمخ واللي انتي في اللحظة دي محتاجة له جدا جدا عشان تفهمي بيقول ايه وتحلليه وتعرفي تتصرفي ازاي طيب نعمل ايه عشان نشغل الجزء الامامي تاني تهدي نفسك ! ازاي يعني وانا بتهاجم وعمال يغيظ فيا ويستفزني بالراحة بس كدة مش مطلوب منك غير انك تاخدي نفس عميييق وتخرجيه بالراحة مش تنفخي لا خدي كام نفس عميق وخرجيه ببطء وغيري وضعك يعني لو واقفة اقعدي ولو حاسة انك حتموتي من الغيظ بعد الشړ عنك اعملي نفسك داخلة التويليت واغسلي وشك عشان تهدي لازم تهدي نفسك في اللحظة اللي بيهاجمك فيها في الأول حيكون الموضوع صعب وناس حتقول مستحيل خصوصا اللي بتعاني من العصبية أصلا لكن بالتدريج وبالتدريب حتلاقي نفسك هادية أصلا ومش بتتأثري بهجومه . دي كانت اول خطوة ودي تستفيدي منها في التعامل مع اطفالك لما يتصرفوا غلط وتغضبي وترعبيهم منك .
٢ فيه حاجة اسمها اعيدي تأطير التجربة . ايه بقى الكلام الغريب دة احنا ناقصينك ياست انتي حقولك بس متزعليش إعادة تأطير التجربة يعني انك تعملي لها في ذهنك شكل جديد اصح من الشكل اللي فيه حاليا ازاي يعني مثلا انتي كنتي فاكرة ان النرجسي شخص سوي ومفروض انه يحبك ومفروض انه لا يسيئ لكي ولا يستغلك ولما اټصدمتي وعرفتي انه شخص غير سوي ومش بيحبك وعايز يستغلك ويؤذيكي فهمتي نص الحقيقة وبعد ماكانت تجربتك مع النرجسي عبارة عن اتجوزت واحد مش بيحبني وانا مكنتش حلمه وهو حب مرة وخلاص ومش عارف يحبني و..... ودي طبعا صورة غلط للتجربة بقت الصورة الجديدة ايه انه شخص غير سوي ومجمد مشاعرة مبيستخدمهاش ومحبش حد قبلك ولا حيحب حد ابدا والمشكلة فيه مش فيكي كدة حصل إعادة تأطير للتجربة واتغير مفهومك من الصورة الأولى للصورة التانية طيب مش دة برضه التأطير ولا المفهوم اللي انا عايزاكي توصلي له التأطير الصحيح للتجربة واللي لازم تفهميه لنفسك ان مش انتي المقصودة شخصيا بالاهانات والاذى النرجسي دة مش موضوع بينك وبينه ولا هو كان بيختارك انتي تحديدا عشان ينتقم منك او عشان شخصك لا هو اختار الة تلبي له طلباته والاختيار قدرا وقع عليكي ولو مكنش وقع عليكي كان حيقع على غيرك يعني أي حد مكانك كان النرجسي حيعمل معاه نفس اللي عمله معاكي طيب ودة حيفيدنا في ايه حيفيدنا انك تفهمي ان أي حاجة بيقولها النرجسي تقلل من قيمتك مش انتي شخصيا المقصودة بيها ومش ششايفها فيكي أصلا هو عنده صفات محسساه بالعاړ ولو حس انها عندك انتي كمان حيقنع نفسه ان دة الطبيعي بتاع البشر ومش انا لوحدي اللي معاق كدة زي اللي والعياذ بالله بيشرب مخډرات لو لقى ولد نظيف وملوش فيه يفضل وراه لما يفسده عشان يبقى محدش احسن من حد هو دة السبب الرئيسي للاسقاط عند النرجسي انتي مفروض لما تفهمي الكلام دة تعرفي انك ادام انسان مختل عايز يخلص من صفاته السيئة فكل شوية يرميها عليكي فانتي ترميها ورا ظهرك ولا كأنك سمعتيها أصلا دة حيساعدك على تقليل الشعور بالڠضب منه والكره الشديد له طبعا مش عشانه هو لا عشان الشعور بالڠضب والكره بيؤذوكي انتي وبيحطموكي انتي وبيعيشوكي في نكد رهيب واكيد كل اللي مرت بمرحلة الصدمة وتعافت حتكون حست بمرحلة الڠضب والكره واد ايه الحياة مع النرجسي في المرحلة دي بتكون صعبة جدا نفسيا لكن لما بتتعافى ومشاعرك تتجمد ومتبقاش حاسة بأي حاجة ناحيته بتكون اد ايه مرتاحة وكأن جبل اتشال من على قلبها .
_______
ازاي تكوني الطرف المسيطر في العلاقة مع النرجسي لو قبلتي تكملي حياتك معاه ..
ازاي تتغيري وتتحولي لشخص مستقل واثق من نفسه وتصلحي ما افسده النرجسي
١ خرجي نفسك برة المنافسة مع النرجسي 
من ضمن مميزاتك عند النرجسي انه طول الوقت عايش معاكي في منافسة بيكسبها طول الوقت وبيشبع رغبته المړيضة في التميز والتفوق على حسابك ليه لان هو اصلا شايفك احسن منه مهما كان غني ومركز اجتماعي ومهما كان نجاحاته لانه عارف انه نفسه الحقيقية ضايعة وناقصها حاجات كتير وطبعا شايفها عندك ومش قادر ياخدها منك فطول الوقت حاسس بالنقص داخليا فبيدخل دايما في المنافسة عشان يكسب ويحسس نفسه انه متفوق عليكي في حاجات تانية فيرضي نفسه ودة سبب من الاسباب اللي بتخليه طول الوقت عايز ېحطم فيكي وفي شخصيتك وفي نفس الوقت لو وقفتي تنافسيه او بطلتي تحاولي تثبتي له انك كويسة مش حيسكت حيفضل يستفزك عشان يدخلك في المنافسة تاني ولو حبيتي تسبيتيه برضه مش حيسيبك بسهولة لانه مش عايزك تخرجي برة اللعبة والا حينافس مين ويكون ضامن انه حيكسبه طبعا بالالاعيب بتاعته .ولو حصل وقدرتي تسيبيه حيفضل يوصل لك بكل الطرق انه سعيد في حياته من غيرك وانه اخد اللي احسن منك واللي حتعوضه عن العڈاب اللي انتي عذبتيهوله كل دة كڈب وبيوصله لكي عشان يحس انه اخيرا كسب انتي بقى اخرجي برة اللعبة ولا تهتمي ولا تتابعي اخباره ولو قدرتي توصلي له انك متعرفيش عنه اي حاجة تبقى عملتي اكتر حاجة ممكن تحبطه وتكئبه لانك حتخليه يحس بالفشل والعجز عن الكسب
٢ انتي بس اللي من حقك تحكمي على نفسك 
طول حياتك مع النرجسي بتكوني متعودة انه يحكم عليكي ويسمح لك اوميسمحلكيش تقولي ايه او تحسي بإيه وتحتاجي ايه اظن دلوقتي بقى بعد ما فهمتيه مفروض انك متسمعيش رأيه في اي شيء من الكلام دة ولا تركزي اصلا معاه مهما قال ومهما حكم على رأيك وعلى مشاعرك واحتياجاتك هو اصلا رأيه اما مشوه بسبب ان نظرته للعالم ولكي نظرة مختلة ومنحرفة زي ماقلنا قبل كدة او انه رأية دة بيفصله علي حسب مصلحته واحتياجاته كمان متهتميش هو بيقول عليكي ايه لانه لو حيتكلم عنك مع اهلك واصحابك والناس القريبين منك وبيحبوكي وعارفينك وفاهمينك كويس فهم حيدافعوا عنك اما اذا اتكلم عنك مع حد ميعرفكيش فانتي لازم تكوني اذكى منه ازاي انتي متتكلميش عنه وتدافعي عن نفسك بانك تشتكي لهم منه لا انتي تعرفيهم بنفسك وتتكلمي عن نفسك من باب الوصف والشرح والايضاح