علاقات مشوهة فاطمة الألفي

مستسلمه بالامر الواقع صدقيني ده لو فضلتي معاه 
هتخسري صحتك وحياتك ارجعي لكيانك انزلي باشري شغلك تاني حاتم لم يشوفك قويه وبتقدري تقفي قصاده هيخاف ويتراجع لان النرجسي في الاصل ضعيف وجبان وبيداري خوفه في ضعف الطرف التاني خۏفك من مواجهته اهلك اكبر انتصار ليه وهيفضل يهددك يدمر سمعتك ويشوهه عندهم عشان متاكد من ضعفك ده اهزمي ضعفك وارجعي شجن الشخصيه القويه اللي بتحارب عشان تحقق ذاتها .
______
لا شيء اسواء من الاختيار الخاطئ فهو أهانه للنفس ومذله لروح ..
____
الفصل التاسع ..
مرحله الدعم النفسي ..
بدات الطبيبه في مرحله العلاج مع ثلاثتهم وهي دوره تحفيذ وثقه بالنفس لكي يتجاوز كل ما مرو به من معاناه ..
الاول هعرفكم ازاي زوجك النرجسي اختار ضحيته ..
نقاط القوة فيكي اللي بتتوافق مع النرجسي د كوثر سند 
اولا نقاط القوة 
١ودود شريكة النرجسي او زوجة النرجسي او زوج النرجسية بيكون ودود زيادة عن اللزوم اللي بيحصل انك بتحبي زوجك النرجسي جدا وبعدين تتخيلي انه بيحبك اضعاف ما انتي بتحبيه طبعا تصرفاته في مرحلة الاغواد بتساعدك على فهم دة.
انتي بتعرفي تقرأي الوجوه كويس جدا ولغة الجسد وبالتالي بتعرفي احتياجات ومشاعر اللي ادامك من غير مايتكلم وبالتالي النرجسي مجرد مايبص لك حتجري تنفذي طلباته ودة عز الطلب بالنسبة له لانه بعدين بيتوقع انك تقرأي عقله
٢دايما موافقة وسهلة ومرنة 
دايما ردودك حاضر طيب مفيش مشكلة ودة مش معناه انك عايزة تعملي الحاجة اللي بتوافقي عليها كلمة لا بتكون صعبة جدا عليها لكن انتي متعرفيش تقولي لا ولا بتفكري اصلا تقوليها لانك عادة مش بتحبي تزعلي حد وكل همك في الحياة انك تسعدي اللي حواليكي بقدر الامكان انتي مش بتحسي بالراحة ولا بالسعادة الا اذا كان كل اللي حواليكي سعداء ومرتاحين اذا اي خطة اتغيرت مش بتلاقي صعوبة في التأقلم وتقبل التغيير وبتحاولي تظبطي نفسك على الاختيارات اللي بتناسب اللي معاكي على عكس النرجسي اللي مش بيتقبل تغيير الخطط ولا يمكن يعديها على خير في حين انه عادة يغير الخطط او يلغيها
٣ كريمة ومعطاءة 
انتي بطبعك كريمة وبتسعدي جدا بالعطاء وبتعطي بدون تفكير في المقابل وبتتخيلي ان اللي انتي بتعطيه دة حيعطيكي بنفس القدر لما يكون يقدر يعطي وعطائك دة مادي ومعنوي بدون حساب واثناء الكلام دة انت مش بتنتبهي في اول حياتك مع النرجسي انه بياخد فقط ولا يعطي شيء ولو اعطى فعطاءه لاشيء اذا قارنتيه بعطائك
٤ تبحثين دائما عن الجانب الجيد في الاخرين 
دايما تبحثي عن الجيد في الاخرين حتى ولو كان قليل جدا ومتحبيش تتكلمي بكلام سلبي عنهم وطبعا متوقعة انهم يعاملوكي بنفس الطريقة زي ماقلنا قبل كدة كمان انتي بتعتقدي جدا في قصة فرصة تانية وان شاء الله بيتغير وحيبقى احسن ودة بيعرضك للاسوأ مع النرجسي اللي مهما اتصرف بوقاحة وانانية واذي برضه بتاسمحية وبيكون عندك امل انه يتغير 
٥ ثابتة يعني غير متقلبة وموثوق فيكي جدا جدا 
طبعا انتي اهل للثقة وبتحافظي على وعودك جدا وكمان شخص يعتمد عليه واد المسئولية على عكس النرجسي تماما . لو فيه مشكلة بتقدري تحليها ببساطة ومهما كانت الصعوبات والتعقيدات مش بتثنيكي عن انك تحلي المشاكل 
_______
ازاي النرجسي بيتصرف لما يفشل في الحصول على الوقود النرجسي وحيعمل ايه لو انتي منعتيه عنه د كوثر سند 
حيتصرف بالظبط بالظبط زي مدمن المخډرات لما نمنع عنه جرعة المخدر . شفتي المدمن لما يسحبوا المخدر من جسمه بيحصل له ايه هو دة اللي بيحصل للنرجسي لو انتي سحبتي منه الوقود النرجسي بس افهمي حاجة مهمة مش معني انك تسحبيه او توقفيه انك تعامليه المعاملة الرمادية البسيطة لا الحكاية مش سهلة يعني محتاجة مجهود منك عشان تكوني باستمرار اعصابك هادية ومحتاجة تكوني قوية جدا عشان مټخافيش من ردود افعاله ولازم تكوني مستقلة عنه ماديا عشان ميهددكيش ويخنقك لان دة بيديه وقود لازم تكوني واثقة من نفسك وواثقة انك علي حق عشان ميهزكيش ويقول لك ربنا حيعاقبك فتخافي وتتراجعي عن حقك ومجرد التراجع دة بالنسبة له ضعف منك وخوف فبرضه وقود يعني عايزة اقول لك ان منع الوقود دة موضوع كبير ولازم تكوني خلصتي مرحلة التشافي والتعافي وډخلتي لنفسك قرش تسندي عليه يعني تكوني مستغنية عنه تماما في الحالة دي بس حتقدري تمنعي الوقود عنه تماما وتوصليه لمرحلة سحب المخدر دي وانتي اصلا ساعتها مش حتحتاجي توصليه لكدة لانك حتحسي انك اقوى منه وانك تقدري تسيطري عليه بانك تلاعبيه بالوقود زي ماعو كان بيلاعبك بالمشاعر او بالعلاقة الحمېمة او بالمصاريف طبعا الكلام هنا للناس اللي عايزة تستمر في الزواج ومضطرة عشان اولادها او عشان اي ظروف عندها اما اللي عايزة تسيبه فتوصله عادي لعله يهرب هو 
طيب هو النرجسي ازاي بيوصل لكدة وايه اللي بيحصل لما بيقل الوقود او بيخلص خالص هو بيدخل في دورة اكتئاب بتكون اعراضها بطء الحركة واضطراب النوم اما ينام كتييير او مينامش خالص اضطراب الاكل برضه ياكل كتير او مياكلش خالص وبيكون حزين وفاقد الاحساس بلذة اي شيء ممتع في الحياة وبيتعرض لتقلبات مزاجية عڼيفة وڠضب شديد مع عدم تحكم في النفس اثناء الڠضب دة . واذا الموضوع طول يعني قعد فترة طويلة من غير الوقود بيحاول يلجأ لإدمان موازي زي المخډرات او الكحوليات او الافلام الاباحية او الچنس او قيادة خطړة تهور يعني اثناء القيادة او ادمان التسوق يوصل للتسوق القهري وكل دة طبعا هروب من عدم وجود وقود وكل دة بيكون له مقدمات انتي بتحسيها بتلاقيه ساكت معظم الوقت ووشه مفهوش اي تعبيرات كأنك عايشة مع تمثال او روبوت منفصل تمام عن العالم ومتنح ومذهول بدون اي سبب بيكرر كلامه ومش بيركز وتايه وسرحان طول الوقت في احلام اليقظة اللي بيقدر يعيش فيها مع الوقود الوهمي  
وطبعا بما انك انتي والعالم كله مقدرتوش تفهموا وتقدروا عظمته وتفرده وووو فانتم متستاهلوش التواجد معاه فانتي بيعمل لك صمت عقاپي والعالم هو بينسحب منه عشان يعاقبه وبيتقوقع داخل نفسه ويبدأ يدي لنفسه الوقود النرجسي بنفسه ويبدأ يتعامل مع العالم الخارجي عن طريق الرسايل والتليفونات اذا اضطر ويفضل كدة فترة بعدها بيحاول يسعى للحصول علي وقود باي شكل فيبدأ بتخويفك وممكن يلجأ للعڼف اذا هو متعود علي كدة وبتلاقيه مكشر وفظ وبيجز على سنانه طول الوقت وتحسي ان فيه حاجة حتحصل او انه حينفجر في اي لحظة ودة بيكون تصرف مقصود لانه شايف ان مكنة الوقود اللي هي انتي عطلت ومحتاجة تتصلح فيحاول يصلحها طبعا زي مانتي عارفة حياخد منك وقود سلبي .
طيب ايه بقى احساسه الداخلي في الوقت دة جلد للذات بلارحمة تفتكري ليه لااا اوعي تفكري انه زعلان ولا ندمان عشان كسر لك سنة ولا ايد ولا عشان رعبك وخلاكي ترتعشي وتبكي وټنهاري لا لا خالص هو بيجلد ذاته عشان حس انه مدمن الوقود وانه اعتمادي وانه محتاج لك وانه مجبر على التعامل معاكي عشان الوقود وبالتالي انتي مفروضة عليه ودة اسوأ حاجة ممكن تحصل له ..
___________
٨ علامات بتقول ان النرجسي اللي انتي مرتبطة بيه خطړ ولازم تهربي دة في حالة انك عندك رفاهية الاختيار ولو معندكيش يبقى تفصلي نفسك عنه روحيا ونفسيا د كوثر سند  
١ غضبه غير متحكم فيه بشكل مؤذي وشرير يعني يكسر الدنيا ويرعب الاطفال وفي النهاية يضربك لو النرجسي بيضربك لما يغضب يبقى خطړ عليكي 
٢ لو بدأتي تحسي فعلا انك مسئولة عن اخطاؤه وشايلة مسئوليه تصليحها يعني بالبلدي كدة لو لقيتي نفسك بتلمي وراه يعمل کاړثة ماليه وانتي اللي بتدفعي تمنها يروح يمش مع واحدة واهلها يلجأو لك انتي عشان تبعديه عنها وتلاقي نفسك انتي اللي بتعتذري للناس يبوظ الدنيا مع اهله ويطلب منك تصالحيه عليهم مشاكله مع اولاده انتي اللي بتحليها كل دة معناه انك لقيتي نفسك مسئولة عن اخطاؤه ودة وضع مش طبيعي حيوصلك للاڼهيار ولامړاض نفسية خطېرة فلازم تنفدي وتحمي نفسك .
٣ النرجسي المتحكم بشكل مبالغ فيه زي ماقلت لكم قبل كدة الاكل بمواعيد وبعضهم بيفرض كمية الاكل وبيعد الارغفة عليكي وعلى الاولاد وطبعا تاكلوا اللي هو بيحبه بس ومواعيد للنوم ومتناميش وهو صاحي ممنوع الخروج من البيت من غيره وهو مش حيخرجك حتي الصلاة ممكن يجبرك متصليش غير معاه بحجة الجماعة وممكن يضيع عليكي الصلاة بسبب كسله ويصلي في اخر الوقت وانتي بتحبي تصلي اول مايؤذن وخصوصا لو قاعد لك في البيت بقى بيعد عليكي الانفاس كل دة كلام حالات مش خيال والله طبعا ممنوع اي مكالمات لاي حد وهو في البيت وفي نفس الوقت متكلميش اهلك غير وهو قاعد جنبك بحجة انه حيكلمهم معاكي وتبقى مكالمة كل اسبوع مثلا وزيارة كل شهر وطبعا حيكون معاكي النرجسي كدة حيموتك قهرا كدة انتي مش زوجة انتي سجينة ولازم تتحرري من سجنك دة ولو كنتي عايشة معاه في نفس البيت برضه تقدري تحرري نفسك لازم تفكي ارتباطك بيه ولو نفسيا ولو قويتي نفسك والله والله حيخاف منك استبيعي ومټخافيش اللي ربنا كاتبه حيحصل ياما ناس استحملت عشرات السنين عشان خاڤت يسيبها وفي الاخر سابها او اتجوز عليها يعني كدة كدة حيغدر 
٤ بيغير بغباء بدون اي داعي لو بصيتي بالغلط علي اي حد ماشي جنبك يبقى تعرفيه وفيه حاجة بينكم لو جه لقى الستارة متشالة تبقي كنتي بشاغلي حد لو قعدتي تشاتي مع صاحبتك او اختك تبقي بتشاتي مع حد وفي نفس الوقت بيغير منك برضه بغباء لو اولادك قعدوا معاكي شوية او حد فيهم خدك علي جنب يحكي لك حاجة او حضنك ادامه وهو اصلا مبيحبش يحضنهم ولا بيعرف انما برضه يغير ويقلب الدنيا ويعمل مشكلة بدون سبب لانه غار منك ولو حققتي اي نجاح من اي نوع ولو حتى ورثتي مع وقوع کاړثة فقدان احد الابوين بيغير ولازم يجردك من ورثك حتى في مصېبة المۏت بيغير من ان الناس بتطبطب عليكي وانك اخدتي اهتمامهم بيغير من حب اخواتك لكي اللي هو محروم منه . النرجسي لما يكون كدة لازم تخرجي من العلاقة لو تقدري ولو متقدريش يبقى تخرجي منها نفسيا
٥ لو لقيتي نفسك حاسة انك بتتسئلي وتتحاسبي على اي تصرف تعمليه سواء تصرف صحيح او غلط وپتخافي من المحاسبة دي لو لقيتي نفسك پتخافي تشتري لنفسك علبة كريم من