قلبي اطمئن فاطمة الألفي الفصل 8إلى 14

هعمل عياده واكشف على الناس إللى انا منهم ومش هتكبر على حد هيكون الكشف كمان حاجه رمزيه مش كتير عشان محدش يتبهدل زى بابا فى التعب وانتظار دوره هكون رحيم بالمړضي يا طمطم عشان ابويا علمني من لا يرحم لا يرحم
فاطمه بإعجاب ربنا يحققلك كل احلامك يا حبيبي بس عاوزة افهمك حاجه أوع تفكر ان كل الطبقات العاليه والمستوي الاجتماعي الهاي متكبرين ومغرورين وعندهم حقد على إللى اقل منهم عشان مش كل إنسان زى التاني طب تعرف اختك بتشتغل عند بنت قدي فى السن ومستوي هاي كلاس بس بتعاملني كما لو أنها اختي 
كريم بعدم فهم مش فاهم انتي مش بتسوقي تاكسى بابا 
فاطمه بابتسامة انا هقولك بس بلاش تصدع درش وتشغله ماشي 
كريم ماشي بس افهم
فاطمه هفهمك يا سيدي التاكسي عند السمكري ومحتاج مصاريف كتير وأنا فكرت اشتغل بقى ربنا بعتلي نيروز فى طريقي اشتغلت الشوفير الخاص بيها وعلاقتنا كويسه جدا هى بنت جدعه فعلا وكمان طيبه ورقيقه وماعندهاش اى خبس ولا حقد ولا بتتعامل بتعالي وتكبر خالص حته بسكوته كده 
كريم بغمزة طب ماتعرفيني على البسكوته دي يمكن اسقسقها فى الشاي 
ضړبته بقوه على كتفه كريم ذاكر وبطل أحلام يقظه 
تصبح على خير
كريم بابتسامه خلاص عرفنا أنها رقيقه ممكن مش تستحمل السقسقه ههههه
القته بالوساده قبل ان تغادر الغرفه ...
عوده إلى الوقت الحالي
كريم ده كل إللى حصل يا بابا وممكن تكون مع نيروز دلوقتي 
مصطفى بحزن يارب احفظها ودهالي بخير يارب 
جلست نيروز على الرمال وامسكت بيد فاطمه لتجلس جانبها 
نيروز بابتسامه ها بقي يا طمطم احكيلي ايه مزعلك يا قمر 
نظرت لها فاطمه بشرود ولم تتحدث 
فاطلقت نيروز صرخه اندهاش لا انا جبتك جنب البحر اهو واحنا لوحدنا ومافيش حد يزعجنا وهتسكتي 
ابتسمت فاطمه براحه معلش بتعبك معايا
نيروز پغضب لو قولتي كده تاني هزعل منك بجد تعرفي انك اختي إللى اتمنتها انا وحيده وطول عمري نفسي يكون ليا اخت تشاركني حزني وفرحي وحياتي وكل حاجه 
ضمتها فاطمه بحب وانا روحت فين نشارك بعض 
نيروز بابتسامه أيوة كده ضحكتك نورت الكون 
فاطمه هههه الكون مرة واحده 
نيروز بجديه لسه شايفه الدموع فى عينك رغم انك بتضحكي مالك يا طمطم هتخبي عني 
فاطمه بتنهيده مخنوقه يا نيروز كلام بابا معايا وجعني اوى حسسني أن ولا حاجه ومقصره فى حاجات كتير بابا عاوز يوفر تمن علاجك ورافض يكمل جلسات الغسيل كده بيدمر صحته ومش هيتحمل عارفه ان الجلسات متعبه ومرهقه ليه بس بتخفف المه بعد فتره لكن لو رفض يكمل هيتعب اكتر وهيروح مننا هنخسره للابد 
نيروز بحزن طب اهدي اكيد فى حل اكيد باباكي مش يقصد كده ممكن حس بتعب وعاوز يريح جلسه مش نيجى احنا نضغط عليه يا طمطم المړيض بيكون حساس وليه قوه على التحمل وعنده طاقه ممكن تنفذ يعنى نريحه نفسيا عشان نفسيه المړيض بتبق أهم من العلاج نفسه 
فاطمه بدموع معاكي ان ليه طاقه وممكن يكون مش قادر يكمل بجد بس انا حسيت من نبرة صوت بابا ان عاوز يبطل عشان احنا اولى بالفلوس إللى بتندفع وهو حاسس ان مافيش نتيجه ده إللى زعلني يا نيروز يعني ايه يضحى بعلاجه ونفسه عشان شايف اننا أحق منه بالفلوس دي 
نيروز بحزن هو والدك مالوش علاج غير الغسيل مافيش حاجه تقدر تخفف الالم ويستغني عن الغسيل الكلوي
فاطمه بحزن ياريت في بس مافيش غير ان حد يتبرعله بكلي وانا عملت كل التحاليل المطلوبه بس للاسف مافيش تطابق فى الانسجه وكريم صغير فى السن ومافيش حل
نيروز ممكن اعملك اعلانات فى بعض المستشفيات نطلب متبرع للكلي 
فاطمه بجديه لا طبعا ازاى نطلب من حد يتخلي عن حته من جسمه قصاد تمن مادي كده حرام وانا مش هقبل اطلب من حد ولا اساومه اشتري حته من جسمه 
نيروز بس العمليات دي بتتعمل كل يوم والمتبرع بياخد فلوس 
فاطمه بس دي محرمه شرعا ان حد يبيع عضو من جسده عشان الفلوس لكن لو انا اتبرعت لبابا عشان انقذ حياته مش حرام في فرق